Argantzongo Erdi Aroko herrixkaren eta gazteluaren aztarna bakarra da bertako dorrea. Peña Mariako muino harritsuan kokatuta dagoen eraikin abandonatua dozenaka borrokaren lekuko izan da.

Hemeretzi urte daramatza Argantzon ikastolak hezkuntzaren hazia euskaraz ereiten, eta, urte hauetan guztietan ere, bertako arduradunek ondotxo ikasi dute burokrazia eta administrazio hutsuneen artean bizirauten. Zubizarreta zuzendarikideak dioenez, erronka garbia dute orain: Manzanosen Lehen Hezkuntzarako eraikin berria egitea.