Udako argazki-lehiaketara aurkeztutako argazkiak ikusgai

hirinet 2012-09-07 17:39   Argazkiak

1-udako-argazki-lehiaketa-pHauek dira Hirinet-eko Udako Argazki-Lehiaketan parte hartuko duten argazkiak.

ARGAZKI-BILDUMA IKUSTEKO SAKATU HEMEN

‘Eraztunez Eraztun’, jasangarritasuna eta sentikortasun artistikoa bat eginda

hirinet 2012-09-07 11:59   Berriak

eraztunezIrailaren 10etik 21era bitartean, arteak eta ingurumenak bat egin dute Gasteizko kale eta inguruetan. Izan ere, Gasteiz Hiriburu Berdearen esparruan Udalak balio eta jardunbide jasangarriak zabaltzeko bekatu duen ‘Eraztunez Eraztun’ proiektuak eskaintza interesgarria dakar. El Martillo elkarte kulturala (hirian Muralen Ibilbideak egiteagatik ezagutua), Pasabidea Zabalganako auzo-elkartea eta Juan Ibarrondo idazleak dira bi fasetan banatzen den proiektu honen sortzaileak. Hiritarren parte-hartzea, jasangarritasuna eta ekologia errespetatzen duten interbentzio artistikoak ekimenaren giltzarri izango dira.

"Dragoi ehiztaria" Florida zinemetan

Euskararen Agenda 2012-09-07 02:00   Berriak

Noiz? EGUNERO 19.30ean EUSKARAZ 

Non? FLORIDA zinemetan (GASTEIZ) 

Informazio gehiago: HEMEN

'Dragoi ehiztaria' pelikula

hirinet 2012-09-06 14:32   Ikus-entzunezkoak

dragoi-ehiztaria‘Dragoi ehiztaria’, euskaraz inoiz egin den filmik garestiena (2,5 milioi euroko aurrekontuarekin) ikusgai dago egunotan hiriko zinema aretoetan. Abuztuaren amaierako estreinaldia polemikoa izan zen oso, Patxi Barco filmeko zuzendariak uko egin baitio filmean duen ardurari.

MENDIrik gabeko green-tasuna

hirinet 2012-09-06 14:08   Gutunak klaketaUste dut uztailean izan zela Jabi Baraiazarrak, MENDI Film Festivaleko zuzendariak berri txarra eman zidanean. Gure mendiko festibal kuttuna ez zen berriro antolatuko Gasteizen. Are txarrago, berriro inon egingo ote zen ere kinka larrian zegoen. Gasteizko eta Arabako aginpidedunek bazter batean utzia zuten betiko lau urtetan mendiko zinemagintzaren punta-puntan jartzea lortu duen zinemaldia. Mundu osoko mendi eta abenturako zinemaldi onenak biltzen dituen Alliance for Mountain Film (IAMF) elkarte sonatuko kide izanik ere, gure festibalaren izana ala ez izana hari batean zegoen.

Mamu txikiak, titiriteroen topaketan

Euskararen Agenda 2012-09-06 09:59   Euskararen Agenda Txikia

Noiz? IRAILAren 9an, iganean, 19.00etan

Non? ARKA PLAZATIK

Informazio gehiago: HEMEN

Patxistein, Burubiltxo, Piztitxu eta Bikoitz lau monstruo klasikoak dira MAMU TXIKIAK lanaren protagonista.

AEK-k matrikulazio kanpaina aurkeztu du

Euskararen Agenda 2012-09-05 08:41   Berriak

"Euskara bizia" lelopean AEK-k 2012/13 ikasturteko matrikulazio kanpainaren aurkezpena egin zuen atzo Euskaltzaindiaren egoitzan, Bilbon. Euskal Herri osoko euskaltegietan maila eta ordutegi guztiak ekaintzen ditu AEK-k. Aurten ere on-line ikastaroek, barnetegiek eta mintzapraktika kurtsoek osatzen dute eskaintza. 

Informazio gehiago: HEMEN edo 902362294 telefonora deituz. 

Hazten naizenean, zuhaitza nahi dut izan

hirinet 2012-09-04 10:26   Gutunak zuhaitzak1Aguraindik gertu, autobide zaratatsu batetik bi kilometrotara baino ez, bi herrixka xarmagarri, Munain eta Okaritz, aurki ditzakegu. Bertan nahiko ezezaguna egiten zaigun aparteko altxor bat dago, bistatik ezkutua: baso baztertu eta magiko bat, barnean 500 urte baino gehiagoko adina duten 600 zuhaitzetatik gora (haritzak, gehienbat) dituena, batez bestean 4 metro baino gehiagoko diametroarekin. Haien arteko zaharrenak 1.500 urte baino gehiago dituzte, eta hainbat kalakardo, goroldio, iratze naiz liken mota berezi babesten dituzte.

Iraila, udaren buztana eta neguaren hastapena

hirinet 2012-09-04 09:19   Txoroskopoa
aries

 

ARIESGARAI

Martxoak 21 – apirilak 21

Iluntzeari argazki bat aterako diozu, baina ezin izango duzu istant horren isiltasuna fotografiatu.
Jatetxe batean zaudela tuiteatuko duzu agian, baina ezin izango duzu zapore limurtzaile hori Twitterren eskegi.
Kontzertua bideoz grabatuko duzu, baina ezin izango duzu momentuko dar-dar hunkigarria hori gorde.
Eta ez du inporta.


taurus

 

 

TAUROGOITI

Apirilak 22 – maiatzak 21

Ikasturte berri osoko hilabete guztietako aste guztietako egun guztietako ordu guztietarako planak egin ditzakezu. Baina ziur egon: ikasturte berri osoko hilabete guztietako aste guztietako egun giztetako ordu guztiek dituzte planak zuretzat. Utziozu zure bizitzaren norabidea hainbeste gidatzeari, eta utz ezazu bizitzak zure norabidea markatu dezan.



 

 

gGemini.svg

 

GEMINIZKETA

Maiatzak 22 – ekainak 21

Larogeitapiku urteko emakume errukitsu horrek zaharberritu izan ez balu... nork ezagutuko zuen orain Borja herriko Ecce Homo-a?
Ikasturte berri honetan, ausartu zaitez zure bizitzaren berriztapen bat egiten. Bidean zerbait galdu dezakezu... baina trukean beste asko irabazi!

Cancer.svg

 

 

KANTZERAUNDIARENA

Ekainak 22 – uztailak 22

Ezin dizute Balio Erantsiaren Gaineko Zerga (BEZ-a) ezarri ematen dituzun musuetan, lasaitzen zaituzten loaldietan, egiten dituzun aldarrietan, berotzen zaituzten bihozkadetan, amesten dituzun zoramenetan. Zergatik ez horiek guztiak ehuneko 18tik 21era areagotu? Edo gehiago. Zure gustura.

184px-Leo.svg

 

LEOPERURENA

Uztailak 23 – abuztuak 22

Gorriz markatutako egunak, asteburuak, zubiak eta pintxopoteak atsegin dituzu gehienbat egutegian.
Imajinatzen al duzu astelehena iristeko irrikatan egotea? Eta astearte eta asteazkenak sutsuki maiteko bazenitu?
Gutxi dira gorriz markatutako egunak bizitzan.

Virgo.svg

 

VIRGOYENA

Abuztuak 23 – irailak 23

Sandaliak ala botak?
Jaka bakeroa ala forro polarra?
Praka finak ala panazkoak?
Irailean zein arropa jantzi erabakitzea bezalakoa izango da zure ikasturte hasiera: ezbaian ibiliko zara, zalantzatan, eta alde batean zein bestean aurkituko dituzu zoriontasun zipriztinak.

Libra.svg

 

LIBRAZABAL

Irailak 23 – Urriak 22

Arraindegian emango dizuten perrexila.
San Anton egunean oparituko dizuten txokolate beroa.
Santa Agedan eskainiko dizkizuten tragoak.
Gasolindegian banatuko dizkizuten opari-bonoak...
Ikasturte honetan ez diozu ezeri muzin egingo.
Nork egingo du barre orain Zeledon bezperan Virgen Blanca-ko lore bat dohainik lortzeko ilara luzeak egiten zituzten aitona-amonez? Eh?! ;)
Kalean banatuko dizuten propaganda ere pozik hartuko duzu!

214px-Scorpio.svg


 

ESKORPIOKORTABARRIA

Urriak 23 – azaroak 22

Nektarinaren hezurrekin, lepokoak.
Yogurt-ontziekin, marakak.
Etxeko hauts-bolekin, pelutxeak.
Egunkari zaharrekin, bokatak biltzeko papera (komuneko papera egiteko, hobe propaganda orriak; leunagoak dira).
Berrerabilpena: hori izan daiteke zure hitz magikoa udazken honetatik aurrera.


235px-Sagittarius.svg

 

SAGITONDO

Azaroak 23 – abenduak 22

Egia baldin bada ikasturte honetan kirola egin nahi duzula... irailaren 10ean Olarizu tontorra igoz (eta jaitsiz) has zaitezke!
(Txoroskopoa irailaren 10a baino beranduago irakurtzen baduzu, erreklamazioak txoroskopoa@txoroskopoa.txoro postara bidali).

246px-Capricorn.svg

 

KAPRIKORNITEGI

Abenduak 23 – urtarrilak 20

Usain berria duten koadernoak, guztiz zorroztuta eta koloreka ordenatuta dauden margoak, oraindik zimurdurarik ez duen liburu-estalkia, birrindu gabeko klarionak, azken txorizo bokataren ogi-apurrak ez dituen motxila... Eskolara Buelta­k nostalgia punttu bat pizten al dizu? Gozatu zure labueltalkole ospakizun-sekretua!

350px-Aquarius.svg

 

AKUABARRI

Urtarilak 21 – otsailak 19

Bazkide kuota ordaindu, kontzertu eta hitzaldietara joan, bileretan parte hartu, www.hirinet.net Facebook eta Tuenti eta Twitter eta beste edozein sare sozialen bidez zabaldu, webguneko Sarrera Ontzira zure ekarpenak bidali... ikasturte honetan dena eman nahi izango duzu GEU elkartearen eta euskararen alde!
Laaaaaasai! Dena ezin da egin, baina zure harri koskorra harkaitz bihurtuko da ziur.

189px-Pisces.svg

 

PISZIBURU

Otsailak 20 – Martxoak 20

Urriaren 28an (29an, beranduenez), ordu bat atzeratuko duzu erlojua (03.00etan, 02.00ak izango dira).
Nork esango du gero Txoroskopo honek ez dizula etorkizuna asmatzen?!

GEUrekin mendira 2012/2013 egitaraua

Euskararen Agenda 2012-09-04 08:53   Berriak geurekinmendira_logoAgur mendizaleok!

Aurten ere "GEUrekin mendira" taldeko mendizaleok mendi txangoak egiten jarraituko dugu. Kontuan hartu aurten irailaren 16an lehengo irteera izango dugula, Ollobarrengo begira joango gara. Hemen erantsita duzue, hortaz, ikasturte honetako mendi-egitaraua. Ea gustukoa duzuen!

Exodo baten ondorioak

hirinet 2012-09-03 12:31   Iritzi zutabeak

javi-lopez

Javi Lopez

 

 

Ez da gertatzen den lehenengo aldia. Behin baino gehiagotan entzun dugu "aditu-ihesa" terminoa. Beti lotzen dugu zientzialari ospetsuekin, guda garaian gertatzen den zerbaitekin, zientzia gizon-emakumeek haien jakinduria gaiztoekin partekatu nahi ez zutelako. Horrela ikusita aditu-ihesa zerbait ona omen da. Baina ikuspuntu erromantikoa alde batera utzita, ikus dezagun benetako errealitatea.

Astialdiko hezitzaileak trebatzeko matrikulazioa zabalik

Euskararen Agenda 2012-09-03 12:22   Berriak

Astialdiako begirale eta zuzendari ikastaroak

Non? GASTEIZEN (Euskharan Euskara Elkartearen laguntzarekin)

Antolatzailea: URTXINTXA ESKOLA 

Matrikulazioa: IRAILAren 1etik 30era

Informazio gehiago: HEMEN 

 

Mugaldekoak Biasterin

Euskararen Agenda 2012-09-03 12:06   Berriak

Edu Zelaieta, Beñardo Goietxe, Raul Garcia eta Mattin Sorzabalbere osatzen dute MUGALDEKOAK taldea. 

Noiz? IRAILAren 13an, ostegunean, 20.00etan

Non? BIASTERIKO zineman

Informazio gehiago: HEMEN

 

Zigoitia Euskaraz 2012

Euskararen Agenda 2012-09-03 11:23   Berriak

Noiz? IRAILAren 1, 2, 8 eta 9

Non? Manurga-Zaitegi, Berrikano, Apodaka, Mairulegorreta-Ondategi...

Egitarau osoa: HEMEN

Aurten ere Zigoitia Euskaraz egitaraua beteta dator!!!Bizikleta martxa, koadrilen arteko herri-kirol txapelketa, herribazkaria, dantzaldiak, euskal jaia.... 

Hiriburu muskerra

hirinet 2012-09-03 11:19   Gutunak hiriburu-muskerraLizardi poeta izan zen, oker ez banago, gure artean ‘musker’ hitza kolore berdearen gisara zabaldu zuena Bultzi-leiotik izeneko hartan (Oi lur, oi lur… arto musker…). Eta Lizardiz gogoratu naiz Atarian ikusgai dagoen anfibioen eta narrastien erakusketa bisitatzera joan naizenean (lizard ere ingelesez, gainera, horixe baita, muskerra). Lizardiz, eta Maroto alkateaz ere bai.

Legutioko jaiak

Euskararen Agenda 2012-09-03 08:18   Euskararen Agenda

Asteburu honetan Legutioko kofradiak ospatuko dituzte Zuiako koadrilan. Besteak besteak, Vendetta, Trikizio eta Joselu Anaiak izango dira jaiak girotzen.

Noiz? IRAILAren 7tik 10ra

Non? LEGUTION

Kontzertuak:

  • Ostiralean: Joselu Anaiak
  • Larunbatean: Vendetta eta Trikizio

Irrien lagunekin kanta eta dantza

Euskararen Agenda 2012-09-03 08:08   Euskararen Agenda Txikia

Ikuskizun parte-hartzaile honetan denetarik biltzen da: pailazoen abestiak, dantzak, antzerkia, bertsoa, magia eta irria. Gainera, Irrien Lagunak Klubeko pertsonaiekin lantzen diren gaiak landuko dira: natura, osasuna, zientzia eta kultura.

Noiz? IRAILAren 8an, larunbatean, 18.00etan

Non? HOR DAGO! (Falerina lorategian)

Sarrerak: 5 € (Hor dago! eta Gora tabernetan salgai) eta www.kulturalive.com webgunean

Informazio gehiago: HEMEN

Egun arraroak

Erabiltzailearen aurpegia Zuriñe Etxeberria 2012-08-27 02:00   Iritzia

Zuriñe Etxeberria


Egutegia hartu, berdin dio aurtengoa edo iazkoa den, eta saiatu berdinak izan diren hiru bat egun topatzen. Antzekoak izan daitezke, agian. Baina, berdinak inoiz ez.

Hasiera ona ote?

Erabiltzailearen aurpegia Koldo Alzola 2012-08-19 20:21   Iritzia

Koldo Alzola

 

Heldu da uda, eta epeltasunarekin batera auzo eta herrietako jaiak. Onerako edo txarrerako herri honetan festa herrikoiak elkartasunerako plataforma izan dira beti. Berezko ezaugarria dute.

Denbor-bor

Erabiltzailearen aurpegia David Mangana 2012-08-16 02:00   Iritzia

David Mangana

 

Bakarrik nago. Gero eta bakartiago. Horregatik denbora gelditzen da gauero zeruaren erdian...Diotenez, tangoa dantzatzeko lehen besarkada mugimendurik garrantzitsuena da.