Olaizola II 22, Bengoetxea VII 9

hirinet 2012-12-18 08:59   Kirola pelotafinalaAurtengo lau t’erdiko txapel preziatua, Aimar Olaizola goizuetarrak jantzi zuen hain ona izan ez zen partida baten ondoren, non Oinatz Bengoetxea leitzarra ez zen gai izan txapelketa honetan erakutsitako maila emateko.

Lau t’erdiko finala Ogetan

hirinet 2012-12-11 09:51   Kirola PELOTA-ABUZTUAK-4-1Azken orduko atzerapenik ezean, azkenean igande honetan jokatuko da lau terdiko final handia. Izan ere, lehenik Aimar Olaizolak lepaornoko mina zuela eta atzerapena eskatu zuen, eta jada arazorik ez zegoela zirudienean, Oinatz Bengoetxea birus batek jota gaixotu zen, honek ere aste beteko aplazamendua eskatuz.

Gasteizko 35. Maratoi erdia

hirinet 2012-12-10 09:42   Kirola maratoierdiaIritsi da beste behin ere urteroko zita garrantzitsu eta ospetsua, igande honetan, hilak 16, ilusioz beteriko milaka korrikalari izango dira Mendizorrotzako irteera puntuan. Izan ere, antolatzaileen esanetan, aurten parte hartzaile errekorra espero dute 3600 lasterkariren zifrara iritsiz. Honela, korrikalari bakoitzak bere erronka propioa izango duen arren, batez ere Gasteizko kaleez, giroaz, kirolaz eta jendearen animoez gozatzeko egun paregabea da.

Zuk zergatik ez…?

hirinet 2012-12-04 11:11   Kirola lasterkaKirola gustatzen zaizula? Lana dela eta denbora gutxi duzula? Langabezian zaudela? Ez dakizula zein kirol praktikatu? Sasoi fisikoan jarri nahi duzula? Kilo batzuk galdu nahi dituzula?

Hona hemen zuretzat egokia den kirola: inolako polikiroldegirik behar ez duena; hiriaz eta bere inguruaz gozatzeko aukera emango dizuna; aire garbia arnastuz zure birikak elikatuko dituena; bakarka, taldean edota bikotearekin burutu dezakezuna; zure etengabeko kezka eta estresa baretuko duena eta horiei aurre egiteko motibazio eta ideiak emango dizkizuna; barne lasaitasun eta ongizatea sorraraziko dizuna…

Mintzatzen ari natzaizun kirola, LASTERKA da!

Juanan ‘Konpa’ pilotari arabarrak ez du momentuz zesta-punta profesionala utziko

hirinet 2012-10-16 16:34   Kirola

KONPA-txiki20 urte igaro dira Juan Antonio Compañon ‘Konpa’-k Mendizorrotzako Olabe pilotalekuan debuta egin zuenetik. Hasiera batean, zesta-punta profesionalari agur esatea erabaki zuen arren, oraindik eutsi egingo diola erabaki berri du. Hirinet-ek berarekin hitz egin du, bere ibilbide profesionalari errepaso egiteko asmoz.

Bengoetxea VI.a-Begino eta Irujo-Barriola bikoteek jokatuko dute Andra Mari Zuriaren finala

hirinet 2012-08-08 15:57   Kirola pelota-orokorraGasteizko jaietako pilota feriaren bigarren eta hirugarren jardunaldiek aurtengo torneoaren finala zein izango den erabakita utzi dute. Iazko garaileak izango ditugu alde batetik, Oinatz Bengoetxea eta Aritz Begino hain zuzen, eta Juan Martinez de Irujo eta Abel Barriola bestetik, euren finalerdietan nagusitu ostean.

Aimar Olaizola, nagusi banakako finalaren errebantxan

hirinet 2012-08-06 13:27   Kirola PELOTA-ABUZTUAK-4-1Aimar Olaizola izan zen garaile Gasteizko jaietako pilota feriako irekiera suposatu zuen aurtengo buruz-burukoaren errebantxan. Irujo eta bere arteko lehiak pilotaren klasiko bihurtu dira jada azken urteotan, eta hereneguneko partidan ikusitakoak horren zergatia erakutsi zuen beste behin. Ikusleen kopurua partiduaren mailari erreparatuz gero espero zitekeena baino dexentez apalagoa izan bazen ere, pilotalekura bertaratutakoak pozik geratuko ziren bi nafarrek emandako ikuskizun politarekin.

Olaizola II.a eta Irujo, Gasteizen aurrez aurre

hirinet 2012-08-04 13:10   Kirola pelota txapelketaAbuztuak 4, arratsaldeko 6ak pasatxo eta ehunka pertsona bilduta Gasteizko txoko ezagun batean. Ez, ez gara Zeledonen jaitsieraz ari. Askoren harridurarako, Andra Mari Zuriaren enparantza lepo egongo den une berean, aurtengo buruz burukoaren errebantxak piztuko du aurtengo jaietako pilota feriaren lehenengo suziri handia.

Lau arabar dominaren bila arituko dira Londreseko Olinpiar Jokoetan

hirinet 2012-07-27 11:17   Kirola

 

maider-unda1

Maider Unda borrokalariak, Sugoi Uriarte judokak eta Eli Pinedo eta Patri Elorza eskubaloi jokalariek gaur bertan Londresen hasiko diren Olinpiar Jokoetaraino eramango dute Araba. Lauren asmoa kirolari batentzako hitzordu garrantzitsuenean parte hartzea izango da eta zergatik ez, domina eskuratzea.

Munduko Triatloi Txapelketa Gasteizen

hirinet 2012-07-23 18:46   Kirola triatlonDatorren igandean, uztailaren 29an, nazioarte mailako kirolak hitzordu garrantzitsua izango du Gasteizen, Munduko Triatloi Txapelketa ospatuko baita. Distantzia luzeko lasterketa izango da eta 4 km igerian, 120 km bizikletaz eta beste 30 km korrikan egingo dituzte parte hartzaileek.

Tatamiko izar gazteak

hirinet 2012-06-26 12:32   Kirola karate_2Osu... formal, formal hurbildu dira karateka gazteak elkarrizketa egiteko prest dugun gelatxora. Diziplina eta errespetua dira borroka-arte honen ardatz; horrela erakutsi dute kimonoa jantzi eta tatamian sartu bezain pronto.

Maider Unda: “Kirolaria izatea artzaina izatea baino gogorragoa da”

hirinet 2012-05-14 13:24   Kirola maider-unda2Arabako kirola zorioneko dago. Izan ere, Maider Unda kirolari aramaioarrak Londres 2012ko Olinpiar Jokoetarako sailkapena lortu zuen Finlandian ospatu zen Txapelketa Aurreolinpikoan. Txikitatik bere pasioa izan den emakumezkoen borrokak domina olinpikoa lortzeko aukera emango dio hemendik denbora gutxira. Baina kirolaria izatea ez du ogibide bakarra, gurasoen tradizioa jarraiki, Idiazabalgo jatorria duen Artzai Gaztaren  ekoizlea baita gazte arabarra.

Zorionak, Maider, bigarren aldiz Olinpiar Jokoetara sailkatzeagatik Nola sentitzen da kirolari bat horrelako momentuan?

Eskerrik asko! Hainbeste kostatu eta gero, lortzen duzunean pisu handia kentzen duzu gainetik. Helmugara heldu gara, bai, baina oraindik gogorrena geratzen zaigu eta Olinpiadetarako denbora asko falta da oraindik. Hala ere, oso pozik nago.

Juan Vallejo: “ Inolako kanpoko laguntzarik gabe eta autonomia osoz egin genuen espedizioa”

hirinet 2012-04-27 12:59   Kirola JUAN ANTARTIKA 1 Juan Vallejo mendizale gasteiztarrak, Alberto Iñurrategi eta Mikel Zabalzarekin batera, “Trasantartika 2011” proiektua aurrera eramatea lortu zuen urte hasieran eta oraingoan, aurreko apirilaren 24an, Zuiako Udalan “Trasantartika 2011” hitzaldia eskaini eta gero, berarekin solastu gara. 2011ko azaroaren 15ean hasi zen esperientzia honek Antartika zeharkatzea zuen helburu. Askok lortu duten erronka dirudien arren, honek berezitasun nabaria izan zuen; autonomia osoz egitea, hain zuzen.

GEUrekin mendira

hirinet 2012-04-19 13:46   Kirola

geurekin mendiraMendian gora modu askotara joan daiteke... Atxagak idatzia da. Eta egia da. Poliki edo arin joan daiteke mendian gora. Esku hutsik edo makilekin. Sokatik zintzilik ere bai. Saldo handitan edo lagunarte txikian. Bakarrik ere bai. Joan daiteke hizketan, isilik joan daiteke...

1995eko otsailaren 15ean, igandearekin, abiatu zen taldetxo bat Gasteizko Andre Mari Zuriaren plazatik, oinez, mendi aldera. Batzuk arin abiatu ziren, besteak lasaiago. Esku hutsik gehienak, inork ez zeraman sokarik. Taldetxoan, zenbat ziren gogoratzen ez dugula, elkar ezagutzen zuten batzuek, besteek ez, baina laster ez zen inor bakarrik. Isilago zenbait, ezin isilduak besteak. Eskibeleko mendi tontortxoan norbaitek azaldu zuen polita zitekeela euskaraz jardungo zukeen mendi taldetxo bat sortzea Gasteizen. Helburu apaleko mendi taldea, alegia, baina gure hizkuntzari dagokionez, zintzoa. Mendia maite, baina baita euskara ikasi, edo bizi nahi zutenentzako eremu babestua ere, ezaguna. Gasteiz handi honetan galtzen baita euskalduna, eta ongi datorkiolako jakitea non eta norekin, ez bakarrik nor-nori-nork.

Trinketa: Euskal pilotaren ezezagunik biziena

admin 2012-03-05 12:49   Kirola

trinketagasteizEuskal pilota frontoian jokatzeaz gain lau hormadun joko eremuan ere jokatzen da. Eremu horri trinketa deitzen zaio eta Gasteizen “Maitena” izeneko trinketa dago Mendizorrotzako frontoietan.

Gimnasia aerobikoa: musikak gidatutako zehaztasuna

admin 2012-03-05 12:01   Kirola

 

biribildu-gimnasia3_web

Musikak gidatutako koreografia aerobiko konplexuak egitean datza gimnasia aerobikoa. Gazteen artean gero eta gehiago zabaltzen ari den kirol diziplina da. Oraindik orain ez da olinpikoa, baina arautegia moldatzen ari da nazioarteko federakundea noizbait kirol olinpikoa bihur dadin. Banaka, bikoteka, hirukoteka edo taldeka praktikatzen da.

 

Irudi imajinaezinak

Gaitasun fisiko ugari eskatzen ditu gimnasia aerobikoak, hala nola, malgutasuna, indarra, potentzia edo oreka. Gimnasiaren barruan batzen diren diziplina askotako mugimenduak biltzen ditu. Koreografiaren barnean taldekideen gorputzak erabiliz figura ezberdinak burutu behar dira. Hau da, ekipoa osatzen duten lagunen artean taldekide bat edo bi altxatzen dituzte; ezinezkoak diruditen irudi magikoak osatuz.