Bezperako eroriko latzaren ostean, atzoko etapan ere erorikoak izan ziren protagonista. Eskalatzaile arabarra izan zen kaltetu nagusia eta anbulantzian eraman behar izan zuten erietxera. Ihesaldi saiakerek urduritasunak eragiten ditu pelotoian eta ezinbestean arriskuan hartu behar izaten dituzte txirrindulariek.
Bezperan argi geratu bezala, abiada bizian doa lasterketa, eta atzokoan, Urkiola igoera hasi aurretik, izan zuen murgiarrak erorikoa. Krutzetan, faborito nagusi ziren, Roglic, Vingegaard eta Evenepoeli gertatu bezala, kolpe gogorra jaso eta bertan behera utzi behar izan du Itzulia arabarrak.
Sailkapen nagusian lehia estua izango da aurtengoan eta, ibilbidea ikusita, gaurko etapa izango da erabakiorra. Minutu erdia besterik ez dago lehen hamar sailkatuen artean, eta edonork izan dezake irabazteko aukera. Skjelmose, Schachmann, Ayuso, Pello Bilbao, Alex Aranburu... zein izango da garaile?