Abuztuaren 3tik 9ra, hiru agertoki, hiru karpa eta zazpi txosna izango dira Gasteizko txosnagunean. "Zazpi festa egun eta askotariko 42 kontzertu, ikuskizun eta emanaldi izango dira Gasteizko Txosnagunean", ospatu dute kolektiboek. Kolektibo hauek haien lana esparru ezberdinetan egiten dute: antidesarrollistak, ikasle mugimendua, komunikazio alternatiboa, internazionalismoa, euskalgintza, errepresioaren kontrako zein eskubide sozial eta politikoen aldekoak."Jai-eredu parte-hartzaile, herrikoi, parekide eta euskaldunaren aldeko apustu garbia egiten dugu", adierazi dute gaurko agerraldian.
Argazkiak: Hala Bedi.
