Bizarrapek "sinestezintzat" jo du Gasteizko txupinazoan bere azken saioarekin gertatutakoa

Bizarrapen mezua bere sare sozialetan. / ALEA

Bizarrap ekoizle argentinar ospetsua txundituta agertu da Gasteizko txupinazoan bildutako jendetza Quédate abestiaren soinuekin dantzan ikusi ostean: "Sinestezina da azken saioarekin gertatzen ari den. Eskerrik asko honengatik, ez dakit zer esan, bihotz-bihotzez eskertu besterik ez".

Uztailaren 7an Bizarrap ekoizleak eta Quevedo rapero kanariarrak kaleratutako saioak —52. bolumena— nazioarteko arrakasta itzela lortu du. YouTubeko ikusienen eta AEBetako Billboard Hot 100 zerrendetan sartu ostean, Gasteizko txupinazoan entzun ziren abestietako bat izan zen Quédate.

60.000 lagun baino gehiago bildu ziren Andre Maria Zuriaren plazan, eta jendetzak aho batez kantatu, dantzatu eta salto egin zuen. Irudiak txundigarriak izan ziren. Jimmy Jazz aretoak une horren bideo bat igo zuen sare sozialetara, eta ordu gutxitan bolbora bezala zabaltzeaz gain, Bizarrap beraren sare sozialetan amaitu du.

"Sinestezina da azken saioarekin gertatzen ari dena, lagun. Eskerrik asko honengatik, ez dakit zer esan, bihotz-bihotzez eskertu besterik ez", erantzun du musika ekoizle argentinarrak.

Erlazionatuak

Gasteizko jaiak lehertu dira, bi urteko etenaldiaren ostean

Gasteiz

Hiru urte beranduago Gasteizera itzuli da Zeledon, milaka lagunen aurrean San Migel dorretik jaitsi, plaza zeharkatu eta balkoitik hitza hartuz sei...
Txupinazoarekin eta Zeledonen jaitsierarekin hasi dira Gasteizko jaiak

Gasteiz

Horrela bizi izan du Gasteizek hiru urteren osteko lehen txupinazoa. Elena Loyo, Ruth Brito, Maria Jose Saez de Kortazar, Jaione Prado eta Arantza ...

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide