Joseba Fiestras izango da 2022ko Andre Maria Zuriaren jaietako pregoilaria. FesTValen zuzendaria, kazetaria eta aurkezlea, Gasteizen jaio zen Fiestras 1962an, eta hainbat komunikabidetan aritu izan da: El Correon eta Radio Vitorian, besteak beste.
2009an, Espainiako telebistaren lehen jaialdia jarri zuen abian eta urtero, irailean, Arabako hiriburuan egiten da. Jaiak hasteko deia abuztuaren 2an, asteartean, egingo du, 21:30ean, Plaza Berrian. Ekitaldia amaitzeko, The Stompers & Nuala Irish Dancers. Tribute to The Dubliners ikuskizunaz gozatzeko aukera egongo da.