Broken Brothers Brass Band, Rotten XIII eta Garilak 26, Gasteizko Txosnetan

Gero eta gertuago daude Gasteizko jaiak. Pandemiak eragindako bi urteko etenaldiaren ostean, abuztuaren 4an itzuliko da festa Arabako hiriburura, eta, horrekin batera, EHUren Gasteizko Campusean jarriko dituzte txosnak berriz ere. Bi hilabete pasatxo baino ez dira falta jada, eta txosna batzordea lehen iragarpenak egiten hasi da bere sare sozialen bitartez: "Sei egun, zortzi txosna, hiru karpa, lau oholtza, txosnisari bat eta 38 kontzertu", aurreratu dute.

Oholtza gainean Ibil Bedi, Willis Drummond, Aiaraldeko Sound System, Sara Hebe, Tatxers, Zetak, Dupla, Nhil, DJ Malandro, Bihotza eta Sua, izango direla iragarri ostean, iragarpen gehiago iritsi dira azken egunetan.

Alde batetik, Iruñeatik New Orleanseko doinuak ekarriko dituzte Broken Brothers Brass Band-eko lagunek, zigula nafarreko funk, gospel eta jazz modernoaren arteko nahasketarekin; bestalde, Euskal Herriko egungo punk rock eszenaren soinu freskoenak ere iritsiko dira Tafallatik, Rotten XIII taldearen eskutik; horiez gain, pop, rock eta erromeriarako tartea ere izango da, Garilak 26 talde bizkaitarrarekin. Gainera, Entxosnatu Karpan izango diren musika jartzaileen artean beste nobedade bat iragarri dute txosnek: DJ Pezon.

Beraz, dagoeneko itxita dago Gasteizko Txosnetako programazioa, bai eskaintza musikalari dagokionez, bai bestelako jarduera eta ekitaldiei dagokienez:

• Abuztuak 4, osteguna | Txupinazoaren eguna:
  • 20:30 Broken Brothers Brass Band taldearekin kalejira, Kutxitik txosnagunera
  • 21:30 Inaugurazio ekitaldia eta txosnisaria
  • 22:00 Kontzertuak
    • Ibil Bedi (Pop-rock — Nafarroa)
    • Vulk (Post-punk — Bilbo)
    • Willis Drummond (Rock — Baiona - Lapurdi)
    • Aiaraldeko Sound System (Dub soinu sistema — Aiaraldea)

• Abuztuak 5, ostirala | Elkartasun Eguna:
  • 15:00 Herri bazkaria (Landatxo kiroldegian)
  • 20:00 Presoen eskubideen aldeko elkarretaratzea (Andre Maria Zuriaren plazan)
  • 20:30 Kalejira (Andre Maria Zuriaren plazatik txosnagunera)
  • 21:00 Ekitaldia (Eszenatokian)
  • 22:00 Kontzertuak
    • Nhil (Pop-funk — Aretxabaleta - Gipuzkoa)
    • Tremenda Jauria (Kunbia, rap, reggaetoia eta elektronika — Madril)
    • Sara Hebe (Hip hop — Argentina)
    • DJ Pezon (Mamarratxismoa)

• Abuztuak 6, larunbata | Ikasle Eguna:
  
  • 14:00 Ikasle bazkaria (Entxosnatu Karpan)
  • 16:00 Bazkalosteko jolasaldia (Entxosnatu Karpan)
  • 00:00 Ekitaldia (Eszenatokian)
  • 22:00 Kontzertuak:
    • Zetalau (Punk & Roll — Uribe Kosta - Bizkaia)
    • Garilak 26 (Pop, rock eta erromeria — Bizkaia)
    • DJ Malandro (Parranda & Bitzio — Gasteiz)

• Abuztuak 7, igandea | Gazte Eguna:
  
  • 14:30 Gazte bazkaria (Gazte Karpan)
  • 23:30 Ekitaldia (Eszenatokian)
  • 22:00 Kontzertuak:
    • Tatxers (Punk, mod, oi! eta pop — Iruñea - Nafarroa)
    • Brigade Loco (Punk-rock eta oi! — Bergara)
    • Rotten XIII (Punk rock — Tafalla)
    • DJ Skarolo (Bitsa-jaia Entxosnatu Karpan)

• Abuztuak 8, astelehena | Entxosnazio Eguna:
  • 12:00 Irrien Lagunak ikuskizuna (Alde Zaharrean)
  • 13:00 Marianitada musikatua (Alde Zaharrean)
  • 14:30 Herri bazkaria (Alde Zaharrean)
  • 16:00 Txan Magoaren ikuskizuna (Alde Zaharrean)
  • 19:00 Txosnibusa (Hala Bedi Tabernatik txosnagunera)
  • 22:00 Kontzertuak:
    • Sua (Pop-rock — Jatabe - Bizkaia)
    • Soziedad Alkoholika (Trash metal, hardcore eta punk — Gasteiz)
    • DJ Bihotza (Elektronika soziala — Gasteiz)
    • DJ Villatekk (Tekkno, Dark, Industrial, Hard— Gasteiz)
    • DJ Sudo

• Abuztuak 9, asteartea:
  • 22:00 Kontzertuak:
    • Herenegun (Ska eta reggae — Donostia)
    • Zetak (Pop elektronikoa — Arbizu - Nafarroa)
      
    • Dupla (Musika urbanoa — Agurain)
    • DJ Ordezkagune
    • DJ Dantzetan Jarrai