Tatxers eta Sara Hebe ere Gasteizko Txosnetako oholtzara igoko dira

Erredakzioa 2022ko eka. 1a, 18:00

Tatxers punk talde iruindarra eta Sara Hebe rap abeslari argentinarra. / ALEA

Gasteizko Txosnetako kontzertuen zerrendara batu dira Tatxers punk talde iruindarra eta Sara Hebe rap abeslari argentinarra. Abuztuaren 4tik 9ra bitartean, sei festa egun, zortzi txosna, hiru karpa, lau oholtza eta 38 kontzertu izango dira aurten.

Gero eta gertuago daude Gasteizko jaiak. Pandemiak eragindako bi urteko etenaldiaren ostean, abuztuaren 4an itzuliko da festa Arabako hiriburura, eta, horrekin batera, EHUren Gasteizko Campusean jarriko dituzte txosnak. Bi hilabete pasatxo baino ez dira falta jada, eta txosna batzordea lehen iragarpenak egiten hasi da bere sare sozialen bitartez: "Sei egun, zortzi txosna, hiru karpa, lau oholtza, txosnisari bat eta 38 kontzertu", aurreratu zuten larunbatean.

Aste hasierarekin batera iritsi da lehen kontzertuen inguruko informazioa: besteak beste, Ibil Bedi, Willis Drummond eta Aiaraldeko Sound System izango dira oholtza gainean.

Asteazken honetan, berriz, beste bi iragarpen egin dituzte: alde batetik, punk, mod, oi! eta pop soinuak ezin hobe eraberritu dituen Iruñeko Tatxers talde gaztea lehen aldiz igoko da Gasteizko txosnaguneko oholtzara, orain arte hirian eskainitako bigarren kontzerturako; bestalde, Argentinatik, Sara Hebe rap abeslariak hip hop doinuekin txosnagunea sutan jarriko du.

PROGRAMAZIO OSOA

Beraz, dagoeneko itxita dago Gasteizko Txosnetako programazioa, bai eskaintza musikalari dagokionez, bai bestelako jarduera eta ekitaldiei dagokienez:

Abuztuak 4, osteguna | Txupinazoaren eguna:
- 20:30 Broken Brothers Brass Band taldearekin kalejira, Kutxitik txosnagunera
- 21:30 Inaugurazio ekitaldia eta txosnisaria
- 22:00 Kontzertuak
  - Ibil Bedi (Pop-rock — Nafarroa)
  - Vulk (Post-punk — Bilbo)
  - Willis Drummond (Rock — Baiona - Lapurdi)
  - Aiaraldeko Sound System (Dub soinu sistema — Aiaraldea)

Abuztuak 5, ostirala | Elkartasun Eguna:
- 15:00 Herri bazkaria (Landatxo kiroldegian)
- 20:00 Presoen eskubideen aldeko elkarretaratzea (Andre Maria Zuriaren plazan)
- 20:30 Kalejira (Andre Maria Zuriaren plazatik txosnagunera)
- 21:00 Ekitaldia (Eszenatokian)
- 22:00 Kontzertuak
  - Nhil (Pop-funk — Aretxabaleta - Gipuzkoa)
  - Tremenda Jauria (Kunbia, rap, reggaetoia eta elektronika — Madril)
  - Sara Hebe (Hip hop — Argentina)
  - DJ Pezon (Mamarratxismoa)

Abuztuak 6, larunbata | Ikasle Eguna:
- 14:00 Ikasle bazkaria (Entxosnatu Karpan)
- 16:00 Bazkalosteko jolasaldia (Entxosnatu Karpan)
- 00:00 Ekitaldia (Eszenatokian)
- 22:00 Kontzertuak:
  - Zetalau (Punk & Roll — Uribe Kosta - Bizkaia)
  - Garilak 26 (Pop, rock eta erromeria — Bizkaia)
  - DJ Malandro (Parranda & Bitzio — Gasteiz)

Abuztuak 7, igandea | Gazte Eguna:
- 14:30 Gazte bazkaria (Gazte Karpan)
- 23:30 Ekitaldia (Eszenatokian)
- 22:00 Kontzertuak:
  - Tatxers (Punk, mod, oi! eta pop — Iruñea - Nafarroa)
  - Brigade Loco (Punk-rock eta oi! — Bergara)
  - Rotten XIII (Punk rock — Tafalla)
  - DJ Skarolo (Bitsa-jaia Entxosnatu Karpan)

Abuztuak 8, astelehena | Entxosnazio Eguna:
- 12:00 Irrien Lagunak ikuskizuna (Alde Zaharrean)
- 13:00 Marianitada musikatua (Alde Zaharrean)
- 14:30 Herri bazkaria (Alde Zaharrean)
- 16:00 Txan Magoaren ikuskizuna (Alde Zaharrean)
- 19:00 Txosnibusa (Hala Bedi Tabernatik txosnagunera)
- 22:00 Kontzertuak:
  - Sua (Pop-rock — Jatabe - Bizkaia)
  - Soziedad Alkoholika (Trash metal, hardcore eta punk — Gasteiz)
  - DJ Bihotza (Elektronika soziala — Gasteiz)
  - DJ Villatekk (Tekkno, Dark, Industrial, Hard— Gasteiz)
  - DJ Sudo

Abuztuak 9, asteartea:
- 22:00 Kontzertuak:
  - Herenegun (Ska eta reggae — Donostia)
  - Zetak (Pop elektronikoa — Arbizu - Nafarroa)
  - Dupla (Musika urbanoa — Agurain)
  - DJ Ordezkagune
  - DJ Dantzetan Jarrai