Ibil Bedi, Willis Drummond eta Aiaraldeko Sound System izango dira Gasteizko Txosnetan

Gero eta gertuago daude Gasteizko jaiak. Pandemiak eragindako bi urteko etenaldiaren ostean, abuztuaren 4an itzuliko da festa Arabako hiriburura, eta, horrekin batera, EHUren Gasteizko Campusean jarriko dituzte txosnak. Bi hilabete pasatxo baino ez dira falta jada, eta txosna batzordea lehen iragarpenak egiten hasi da bere sare sozialen bitartez: "Sei egun, zortzi txosna, hiru karpa, lau oholtza, txosnisari bat eta 38 kontzertu", aurreratu zuten larunbatean.

Astelehenarekin batera iritsi da kontzertuen inguruko informazioa: besteak beste, Ibil Bedi eta Willis Drummond izango dira oholtza gainean, eta, lehen iragarpen horren ostean, datozen egunetan banan-banan jakinaraziko dituzte gainontzeko taldeak.

Asteartean, Aiaraldeko Sound System dub selektoreen taldea eta soinu sistema batu da Gasteizko Txosnetako aurtengo kartelera, Dub Gaua berreskuratuz.

Beraz, dagoeneko itxita dago Gasteizko Txosnetako programazioa, bai eskaintza musikalari dagokionez, bai bestelako jarduera eta ekitaldiei dagokienez:

• Abuztuak 4, osteguna | Txupinazoaren eguna:
  • 20:30 Broken Brothers Brass Band taldearekin kalejira, Kutxitik txosnagunera
  • 21:30 Inaugurazio ekitaldia eta txosnisaria
  • 22:00 Kontzertuak
    • Ibil Bedi (Pop-rock — Nafarroa)
    • Vulk (Post-punk — Bilbo)
    • Willis Drummond (Rock — Baiona - Lapurdi)
    • Aiaraldeko Sound System (Dub soinu sistema — Aiaraldea)

• Abuztuak 5, ostirala | Elkartasun Eguna:
  • 15:00 Herri bazkaria (Landatxo kiroldegian)
  • 20:00 Presoen eskubideen aldeko elkarretaratzea (Andre Maria Zuriaren plazan)
  • 20:30 Kalejira (Andre Maria Zuriaren plazatik txosnagunera)
  • 21:00 Ekitaldia (Eszenatokian)
  • 22:00 Kontzertuak
    • Nhil (Pop-funk — Aretxabaleta - Gipuzkoa)
    • Tremenda Jauria (Kunbia, rap, reggaetoia eta elektronika — Madril)
    • Sara Hebe (Hip hop — Argentina)
    • DJ Pezon (Mamarratxismoa)

• Abuztuak 6, larunbata | Ikasle Eguna:
  
  • 14:00 Ikasle bazkaria (Entxosnatu Karpan)
  • 16:00 Bazkalosteko jolasaldia (Entxosnatu Karpan)
  • 00:00 Ekitaldia (Eszenatokian)
  • 22:00 Kontzertuak:
    • Zetalau (Punk & Roll — Uribe Kosta - Bizkaia)
    • Garilak 26 (Pop, rock eta erromeria — Bizkaia)
    • DJ Malandro (Parranda & Bitzio — Gasteiz)

• Abuztuak 7, igandea | Gazte Eguna:
  
  • 14:30 Gazte bazkaria (Gazte Karpan)
  • 23:30 Ekitaldia (Eszenatokian)
  • 22:00 Kontzertuak:
    • Tatxers (Punk, mod, oi! eta pop — Iruñea - Nafarroa)
    • Brigade Loco (Punk-rock eta oi! — Bergara)
    • Rotten XIII (Punk rock — Tafalla)
    • DJ Skarolo (Bitsa-jaia Entxosnatu Karpan)

• Abuztuak 8, astelehena | Entxosnazio Eguna:
  • 12:00 Irrien Lagunak ikuskizuna (Alde Zaharrean)
  • 13:00 Marianitada musikatua (Alde Zaharrean)
  • 14:30 Herri bazkaria (Alde Zaharrean)
  • 16:00 Txan Magoaren ikuskizuna (Alde Zaharrean)
  • 19:00 Txosnibusa (Hala Bedi Tabernatik txosnagunera)
  • 22:00 Kontzertuak:
    • Sua (Pop-rock — Jatabe - Bizkaia)
    • Soziedad Alkoholika (Trash metal, hardcore eta punk — Gasteiz)
    • DJ Bihotza (Elektronika soziala — Gasteiz)
    • DJ Villatekk (Tekkno, Dark, Industrial, Hard— Gasteiz)
    • DJ Sudo

• Abuztuak 9, asteartea:
  • 22:00 Kontzertuak:
    • Herenegun (Ska eta reggae — Donostia)
    • Zetak (Pop elektronikoa — Arbizu - Nafarroa)
      
    • Dupla (Musika urbanoa — Agurain)
    • DJ Ordezkagune
    • DJ Dantzetan Jarrai