GEUrekin mendira Andarton

Erabiltzailearen aurpegia GEUrekin mendira 2018-11-19 11:18   Euskara

GEUrekin mendira taldekoek, Araotzetik abiatuta, Andartora egin zuten irteera azaroaren 18an.

»» Ikusi argazki guztiak (5)

GEUrekin mendira Valderejo eta Recuencon

Erabiltzailearen aurpegia GEUrekin mendira 2018-10-21 08:00   Euskara

Lalastrako aparkalekutik 315 metro atzera eginez, ezkerrerantz panel bat ikusiko dugu. Pista hori hartu, portoi bat gurutzatu eta gorantz eginez Portillo de la Sierrara iritsiko gara.


Ezkerrerantz abiatuko gara markaturiko senda batetik, bidean puntu horiak eta kairnak topatuko ditugularik. Basoa bukatzerakoan, lur irekitik ibiliko gara Portillo Lerón arte.


20 minutu barru, gailurra irabaziko dugu. Zenbait egurrezko poste jarraituz, gurutze-bide batekin egingo dugu topo, eta ezkerrerantz, San Lorenzo baselizarantz, egingo dugu.


Ordu betean baselizara iritsiko gara. Hamaiketako egin eta Villamardoneruntz jaitsiko gara. Gurutzatu eta errepide zahar baten arrastoa jarraituz Lalastrara iritsiko gara. Hemen, Museo Etnografikoa eta interpretazio zentroa daude.


Jabier Azaldegiren kronika


 

»» Ikusi argazki guztiak (5)

GEUrekin mendira Pipaon, Vallehermoso eta Cerveran

Erabiltzailearen aurpegia GEUrekin mendira 2018-09-16 08:30   Euskara

GEUrekin mendira taldekoek Pipaon, Vallehermoso eta Cervera inguruetan egin zuten 2018-2019 ikasturteko lehenengo irteera.

»» Ikusi argazki guztiak (5)

GEUrekin mendira Txindokin

Erabiltzailearen aurpegia GEUrekin mendira 2018-06-17 08:30   Euskara

GEUrekin mendira taldekoek Txindoki mendira egin zuten 2017-2018ko azkenengo irteera.

»» Ikusi argazki guztiak (3)

GEUrekin mendira Tologorri

Erabiltzailearen aurpegia GEUrekin mendira 2018-05-20 11:59   Euskara

GEUrekin mendira taldekoek Tologorri mendira egin zuten irteera 2018 maiatzaren 20an.

»» Ikusi argazki guztiak (5)

GEUrekin mendira Palomares mendian

Erabiltzailearen aurpegia GEUrekin mendira 2018-04-15 11:09   Euskara

Lagranetik, 740 metrotik, abiatzen gara Palomares mendira: 1446 metroko garaiera eta 706 metroko desnibela betetzeko lanarekin. Hasiera lasaia izan da.


Laziturri iturriraino pagoz eta ezpelez inguratuak ibili gara. Aldapan gora goaz, eta ezkerretara, seinaleak aurkituko ditugu poste batean, pista utzi eta zuzenean malda gogor batean sartzeko. Honek tontorreraino eramango gaitu. Bidean, bi zonalde berezi eta neketsuak pasatu behar ditugu; bata, agin sorta bat pasata arroken arteko pasadizo tentea, eskuak erabili behar izan ditugu, eta kontuz ibiltzekoa, batez ere jaisteko. Bigarrena, tontorra irabazteko pasajea; hemen eskaladarako lehenengo graduko ibilbidea, ez da soka erabili behar, baina auskalo...


Gailurretik paisai izugarri polita eta zabala dugu; Ioar, Peña Leon, Gazteluko gurutzea, Toloño, Cervera (batzuk Kantauriko mendilerrokoak). Hegoaldean, Ezcaray, Ysios upeltegia, Guardia, Bastida...


Hiru ordu eta berrogei minutu inguru iraun du joan etorriak. Gero, herriko taberna batean pote bat hartu eta denen arteko solasaldia disfrutatu dugu.


Primeran pasa dugu!!


 


Jabier Azaldegiren kronika

»» Ikusi argazki guztiak (5)

GEUrekin mendira Isuskitzan

Erabiltzailearen aurpegia GEUrekin mendira 2018-03-18 13:22   Euskara

Landan hasten da ibilbidea, errepidea gurutzatu eta ezkerrera tunel bat ikusiko dugu, gertu, poste bat ‘Isuskitza’ izenarekin.


Gurutzeak daude bide osoan zehar: ‘Via Crucis’,  GR hori-txuria (ibilbide motza)… Lehenengo zuhaitzak ikus ditzakegu: haritz amerikarrak, pinudiak eta zenbait urki. Paraje ederra. Aldapan gora, baina ez da gogorregia.


Gailurra 806 metrotara dago, eta bertan aldare bat daukagu albo batean, etxe baten forma duen buzoi txiki batena. Jaisten hasten gara, eta beste aldetik zuhaitz ederrek osatutako ikuspegia dugu: pago motzak goroldioz estalirik. Euriak laguntzen gaitu, haizeak ere.. markak desagertuta egon arren, norabidea asmatzen dugu eta Leintz-Gatzagatik gertu agertzen gara.


Bada bueltatzeko garaia, bide berdea hartu eta lasai-lasai Landara abiatzen gara.


Salda bero batekin amaiera ematen diogu gure ibilbideari.


 


Jabier Azaldegiren kronika

»» Ikusi argazki guztiak (5)

GEUrekin mendira Arrietan

Erabiltzailearen aurpegia GEUrekin mendira 2018-02-18 13:01   Euskara

Berrostegieta herria pasa eta lehenengo errepideko errebueltan dago aparkalekua. Hor bertan, ezkerrean, badago bide zabal bat. Hemen dugu abiapuntua. Hasieran bide erreza topatzen dugu, baina laster aldapa gogor batetik abiatzen gara. Ez dago hitz egiterik, buf!!!


Mendi lepora iritsi gara. Bertan badago eraikuntza bat eta tarte batean inguruan ibili ondoren, Arrietaruntz goaz. Bidean koba antzeko batera bisita egitera goaz eta gero, buelta sendara. Arrieta da gure lehenengo gailurra, haizea eta euri tantak tarteko. Roseta, bigarren gailurra, laster eskuratzen dugu; arteak dira nagusi paraje honetan. Ikuspegi ederrak ditugu: Gasteiz hiria, urrunean Gorbeia, Anboto, Elgeako mendilerroa, beste aldean, fondoan, Kantauriko mendilerroa...


Bueltatzeko, beste bide batetik goaz. Horretarako, bidea ondo ezagutu behar da eta GPSa jarraitu...


 


Jabier Azaldegiren kronika

»» Ikusi argazki guztiak (5)

Urteko lehenengo irteera, Trianoko mendietara

Erabiltzailearen aurpegia GEUrekin mendira 2018-01-23 09:00   Euskara

GEUrekin mendira taldekoek Trianoko mendiak aukeratu zituzten 2018 urteko lehen irteera egiteko.

»» Ikusi argazki guztiak (5)

GEUrekin mendira taldekoek urtea Zaldiaranen agurtu zuten

Erabiltzailearen aurpegia GEUrekin mendira 2017-12-31 12:00   Euskara

GEUrekin mendira taldeko lagunek 2017. urtea Zaldiaran mendian agurtu zuten.

»» Ikusi argazki guztiak (3)