Korrikaren ordez, ekitaldiak antolatuko ditu AEKk martxoaren 28an

21. Korrika Gasteizen amaitu zen; hurrengo edizioa 2022an izango da. / ALEA

Aurtengo martxoaren 28an amaitzekoa zen 22. Korrika, pandemia iritsi izan ez balitz. Horren ordez, osasun neurrietara egokitutako "ekitaldi xumeak" antolatuko ditu AEKk egun horretan, aurrerago iragarriko duten formatuan.

Euskal Herriak ez du Korrikarik izango aurten, eta 22. edizioa 2022an izango da. Baina martxoaren 28an, euskararen aldeko lasterketa amaitzekoa zen egunean, "ekitaldi xumeak" antolatuko dituzte hainbat tokitan.

Bitartean, AEKk martxoaren 28a agendan markatzeko dei egin die euskaltzaleei. Aurrerago azalduko dituzte egitasmoaren nondik norakoak.

55 urte AEKren hazia erein zenetik

Gainera, ekimena iragartzeko oharrarekin batera, AEKk efemeride bat ekarri du gogora: 55 urte bete dira Rikardo Arregi kazetari eta euskaltzaleak, beste euskaltzain batzuen babesarekin, Euskaltzaindiari helduen alfabetatze eta euskalduntzearen premia igorri zionetik. "Gerora, AEK bilakatuko zen ekimena abiatzeko eskaria" izan zen hura.

Gaur egun ere, 55 urte geroago, helduen euskalduntze eta alfabetatzeak oraindik ere "berebiziko garrantzia" dutela aldarrikatu du AEKk: "Inoiz Euskal Herria euskalduna izan dadin erdietsiko badugu".

Erlazionatuak

Korrikaren 22. edizioa 2022an izango da

Araba

Korrikaren 22. edizioa ez da 2021eko martxoan izango. Euskararen aldeko ekimena urtebete atzeratzea erabaki du AEKk, eta, pandemiaren bilakaerak ah...

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide