Ikerketa historikoetan, emakumeek gizarteari egindako ekarpena isilpean geratu da. Hala, ekarpen hori ikusgarri egin eta baloratzea izango da ibilbide honen helburua, eta, horri begira, Gasteizen hainbat eremutan (hala nola, hezkuntzan, kulturan, ikerketan eta politikan) eginkizun garrantzitsua izan zuten emakumeekin zerikusia daukaten tokietara joango gara. Informazio gehiago: https://labur.eus/l5tsG Izena emateko: www.vitoria-gasteiz.org/eskolafeminista
Gure bi lagunek kanpamendu batean hartuko dute parte eta bidean hainbat gatazka bideratu beharko dituzte. Errua, edoskitzea, intimitatea, teknologia berrien erabilpena eta hainbat gai landuko dituzte Antxo eta Pantxak.
Kontuak, ipuinak eta musika inspirazio izanik sortutako ikuskizuna. Marianok, eskenatokian sakabanaturik, instrumentu anitz eta bereziak izango ditu. Kontrabaxua, ukelelea, indiarren txirula, darbuka, melodika, soinuak egiten dituzten tramankuluak eta maleta eta latez eginiko bateria ere bai! Nerea bere ahots, gorputz eta objektu adierazmenarekin arituko da. Ipuinen jatorri eta sonoritateak eraman ditu Nerea eta Mariano rap, cumbia edota rock & roll bidez kantatzera kontuak. Abestiak eta istorioak tartekatzen dituen ikuskizun honetan ikusleari poliki-poliki sartu eta abesten eta parte hartzen bukatzeko aukera ematen zaio. Informazio gehiago eta izen emateak: https://labur.eus/bDHNV
Jabi Soto aditua izango da irakaslea eta apirilaren 20an hasi eta ekainaren 1ean amaituko da, zazpi saiotan hainbat gairen bueltan sakonduko da. Ordutegia 19:00-20:30 tartean izango da. Izena emateko epea zabalik dago udal web orrian edo gizarte etxeetan zuzenean. Ikastaroaren matrikula pertsona abonatuentzat 17,43€ eurokoa da eta eta ez-abonatuentzat, berriz, 29,09€koa. Gaiak: • Negatiboa/Positiboa: dagerrotipoa, kalotipoa, zilarra • Argazkilaritza, tribuaren aztia: albumina eta kolodioia, zuzeneko belztea, gerra estatikoak • Argazkilaritza industrializatu egiten da: gelatina, errebelatu kimikoa, industria • Azalpen praktikoa: zuzeneko belztea, errebelatu kimikoa, handitutako argazkiak • Hiru dimentsioak argazkilaritzan: zaletuen loraldia, bista estereoskopikoak, bi objektibodun kamarak • Argazki-dokumentua: ondare kulturala, artxiboak, digitilizazioa