Laia Eskolak online bidezko irakurketa klub feministaren edizio berri bat antolatu du. Josune Muñoz izango da saioko gidaria. Bi liburu landuko dira saioan; Aizpea Goenagaren 'Santxa' eta Eneritz Artetxeren 'Karanbola hirukoitza'. Jitsi aplikazioa erabilita egingo da jarduera. Esteka lortzeko mezua bidali cayala.miren@ayto.araba.eus helbidera edo 686587889 telefonora deitu.
Oier Araolaza Arrieta dantzaria da. Eibarko Kezka dantza taldean eta Donostiako Argia dantzari taldean aritzen da dantzari. Horrez gain, kurrikulum luzea du baina aipagarria da 2020an “Genero-identitatea euskal dantza tradizionalaren eraikuntzan” liburua argitaratu zuela eta horixe izango du hizpide Aramaioko hitzaldian.
BBK Mendi Film Bilbao-Bizkaia jaialdiaren 13. edizioko 14 film eskainiko dira. Horien guztien estreinaldia izango da Araban. Azpimarratzekoa da 14 film horietatik 8 Mendi Film jaialdian saritutakoak direla, hau da, hango palmaresaren zati handi bat dakar Gasteizko aurtengo programazioak. Mendi Film 2020 Euskerazko Film Onenaren saria jaso du 'Mendian hil hirian hil'. Zaintza aringarrietan espezialista den Iñaki Peña medikuak hausnarketarako gonbitea egiten du: zenbateraino eta zertan da desberdin heriotza mendian eta hirian? Era batera edo bestera, senide edo lagun maitatuak galdu dituztenen testigantzak. Vital Fundazioa da antolatzeaz eta emanaldi aipagarrienak aurkezteaz arduratzen den erakundea. *Jatorrizko bertsioan eskaintzen dira pelikulak, azpitituluekin. Sarrerak on-line soilik eskura daitezke www.fundaciónvital.eus webgunean eta www.mendifilmfestival.com webguneko esteketan. Sarreren prezioa 5 €-koa da saio bakoitzeko.
Urte berriko bigarren hizkuntza izango da mankanyera, Iruran bizi den Jorge Naur Mango Barai guinea bissautarrak aurkeztuko diguna. Guinea Bissauko hizkuntzarik nagusiena kriola da, jende guztiak erabiltzen du. Guinea Bissaun etnia ezberdin asko daude, eta bakoitzak bere hizkuntza du. Jorge Mangorena mankanyera da, hizkuntza zaharra, ahoz belaunaldiz belaunaldi pasatzen dena. Azken urteetan, Afrikako beste hizkuntza asko bezala, mankanyera ere geroz eta jende gutxiagok daki.
90 minutuko komedia musikal honetan, Juan Martin donostiar gaztea mendi puntan galdutako baserri batera joango da uda igarotzera, bere euskara maila hobetzea helburu hartuta. Han dagoela, abesti eta abesti artean, egiaztatuko du baserrian bizi direnek darabilten euskarak ez duela zerikusirik gelan ikasi duenarekin. Horrez gain, Ixabel familiako alaba erakargarriak ordura arte ezezagunak zituen sentimenduak piztuko dizkio, eta inguruak ere zur eta lur utziko du, izan ere, musikaren bidez komunikatuko da berarekin: zuhaitzak rap doinuan, sagarrak a kuppela abesten eta behiak dantzan. Jatorrizko egilea: Joxean Sagastizabal. Antzerkigintza: Aitziber Garmendia eta Patxi Barco. Zuzendaria : Patxi Barco. Zuzendari musikala: Joli Paskualena.
Euskaraz sortzeak dakarren zailtasunaren eta deserosotasunaren inguruko gogoeta artistikoa. Euskal artea euskaraz zergatik ez? Eta zergatik ez euskararen inguruko euskal artea? Erantzun ezberdinak eman dizkiete galdera horiei hainbat artistek, eta guk horietako hiru ekarri nahi izan ditugu: Gorreri bisuala, Zaloa Ipiña. Hitz birziklatuak, Zirika. Abere ba, palindromo ilustratuen piztegia, Bigara. Arte garaikidearen barruan euskaraz sortzearen inguruko gogoeta ezberdinek –kezkak, jolasak, dibertsioa, sentsazioak, gogoa, e.a.– osatzen dute ur-emari kolektibo hau. Hiru hausnarketa artistiko, euskarazko hiru arte-proposamen, euskararen hiru arte-ur.
Haize Dulantzi Dantza elkarteak bere 30 urte baino gehiagoko ibilbidea ospatu nahi du eta dantza eta euskal kulturaren kontserbazioan eta sustapenean egiten duten lan garrantzitsua azpimarratu nahi du. Inaugurazioa, 18:00etan. Bisita gidatuak taldearekin: 20 minutuko emanaldiak 6 lagunentzat..