Radio Vitoriako 10 langile kaleratu nahi ditu EITBko zuzendaritzak

hirinet 2013-05-22 09:48   Gizartea

sos-radio-vitoriaEITBko zuzendaritzak Radio Vitorian murrizketak egitea erabaki du eta 10 langile kaleratzeko asmoa duela salatu dute irratiko beharginek, hau da, langileen %25 inguru. Hasiera batean, Maite Iturbe EITBko Zuzendari Orokorrak Radio Vitoria “mantenduko eta zainduko” zutela esan arren, aipatutako langileek “kontraesanetan” erori dela salatu dute.

Ordutegi komertzialean Gasteizko erdialdean bizikletaz ibiltzea debekatuko du udalak

hirinet 2013-05-20 17:22   Gizartea BizikletakDatorren maiatzaren 24an, ostiralean udalak onartu asmo duen bizikleten ordenantzaren zirriborroaren arabera, goizeko 10.00etatik 14.00etara eta arratsaldeko 16.00etatik 22.00etara ezin izango da bizikletan ibili Gasteiz erdialdeko oinezkoentzako kaleetan.

Garoñaren luzapena eskatzeko epe berria eman diote Nuclenorri

hirinet 2013-05-20 17:13   Gizartea

garonaSegurtasun Nuklearreko Kontseiluak epe berria eman dio Nuclenorri Garoñaren luzapena eska dezan. Erabakia hartzeko lau bilera egin ditu kontseiluak eta, azkenik, PPko bi kontseilariek eta CIUkoak aldeko botoa eman dute; PSOEko kontseilariek, berriz, kontra azaldu dira.

XII. Bizikletaren astea Gasteizen

hirinet 2013-05-20 11:29   Gizartea bizikletaren-astea-gasteiz

Maiatzaren 18tik 26ra bitartean Bizikletaren astearen XII. edizioa ospatuko da Gasteizen. Bizikleteroak elkartearen eta Ingurugiro Gaietarako Ikastegiaren laguntzaz antolatu ohi du Gasteizko Udalak gizarte etxeetako Bizikletaren Aste hau eta honen baitan hitzaldiak, ikastaroak, lantegiak, familiarteko bizikleta irteerak eta lehiaketak antolatu dira.

Gasteizko udalerriko 45 herriak hirigunearekin lotuko dituen Bux zerbitzua martxan

hirinet 2013-05-17 13:55   Gizartea

buxUdalak eskaeraren araberako garraio zerbitzua jarriko du abian ekainaren 1ean, Gasteizko udalerriko 45 kontzejuak hirigunearekin lotuko dituena. Bux izeneko zerbitzuak taxien antzera funtzionatuko du, baina autobusak baliatuz.

Zerbitzu berriko bidaia erreserbatzeko bide hauek erabil daitezke:

- 900 10 27 23 telefonoa

- www.vitoria-gasteiz.org/bux web-orria

- Smartphoneetarako aplikazio bat (Apple zein Android bertsioetan)

'Iñigo Cabacas. Crónica de una herida abierta’ dokumentala Gasteizen

hirinet 2013-05-17 13:39   Gizartea

inigo-cabacas-dokumentala‘Iñigo Cabacas. Crónica de una herida abierta’ dokumentala Gasteizko Florida zinemetan izango da ikusgai datorren maiatzaren 20an, 20.15ean. Horrekin batera, Xuban Nafarrate gasteiztarrak jasandako erasoaren grabazioa ere proiektatuko dute eta ostean, tertulia egingo dute Iñigo Gogoan plataformak, Xuban Nafarrateren senideek eta Eskubideak Plazara! kolektiboak. Bertan, kasu bi hauen azken informazioak eskainiko dituzte.

Marian Castellanos zinegotziaren aurkako gaitzespen ofiziala onartu du oposizioak

hirinet 2013-05-15 20:53   Gizartea marian-castellanos-gaitzespEAJk, PSOEk eta Bilduk botoak elkartu dituzte eta Marian Castellanos zinegotziaren aurkako gaitzespen ofiziala onartu dute osoko bilkuran; bertan PP izan da aurka bozkatu duen bakarra. Oposizioaren ustez, Castellanosek “gezurra” esan zuen elurteei aurre egiteko planaren balantzea egin zuenean. Apirilaren 22an zinegotziak Elurrari Aurre Egiteko Plana aurrera eramateko 319.367 euro gastatu zirela adierazi zuen. Izan ere, gerora jakin zen gastua 590.000 euro ingurukoa izan zela. Castellanosek “nahastu” egin zela esan zuen, 2013ko datuak eman beharrean 2012koak eman zituela.

Elikagaiak biltzeko aste solidarioa

hirinet 2013-05-12 02:00   Gizartea

ondo-jan,-ondo-biziMaiatzaren 13tik 17ra bitarteko astean ‘Elikagaiak biltzeko aste solidarioa’ antolatu dute, bertan batutako guztia Arabako Elikagaien Bankuari emateko. Elikagaiak Iparralde 2ko 1. lantegian jasoko dira, 11:00etatik 13:00etara eta 17:00etatik 20:00etara bitartean.

Honako elikagai hauek ekartzea gomendatzen dute antolatzaileek: esnea, olioa, azukrea, arroza, pasta, lekaleak, kontserbak, zerealak, haurrentzako produktuak...

Hala Bedi 30 urte, bazkide kanpaina berria eta mahai-inguru zikloa

hirinet 2013-05-10 14:54   Gizartea

hala-bedi-bazkide-kanpaina1983an hasi zuen bere ibilbidea Hala Bedi irratiak eta hortaz, aurten 30 urte beteko ditu. Denbora luze honetan, irrati libre eta autogestionatuen eremuan, erreferente bilakatu da eta Hala Bediko kideen esanetan, “hori bada ospatzeko modukoa”. Hori dela eta, hainbat eta hainbat ekitaldiz betetako egitaraua eskaintzen ari dira 2013an zehar.

Hasieratik, autogestioa, asanblada eta partaidetza oinarri izan ditu Hala Bedi irratiak. “Jende ugariren borondatezko lanari esker egiten dugu egiten duguna. Informazio kritikoa eta eduki propioak sortzeaz eta komunikazio-bide alternatiboak plazaratzeaz gain, harro gaude gure antolaketa-ereduaz ”, diote kideek.

Negoziaketek ito barik, hitzarmena lortzeko tinko segitzen dute sorosleek

hirinet 2013-05-10 13:08   Gizartea

igerilekuaUrteak igaro dira hitzarmen berria sinatzeko negoziaketak hasi zirenetik, denbora honetan guztian, berriz, akordiorik ez da erdietsi. Sorosleek (baita hitzarmen berdinaren menpe dauden kirol begiraleek) hasieratik Aiteko eta Disport enpresetako arduradunekin akordioak lortzeko prestutasuna agertu badute ere, negoziazio faseak hainbat gora-behera izan ditu. LAB eta ELA sindikatuen babesa jaso dute langileek lehendabiziko momentutik. Hamaika saiakera egin ostean, sorosle eta kirol begiraleen kolektiboak, 150 lagun orotara, borrokan jarraitzeko asmoa azaldu du eta greba bezalako protestaldiak ere ez ditu alboratzen.

Animalien inguruko araudia Gasteizen: ikuskizunetan gatibu dauden animalia basatirik ez eta txakurrak solte eramateko lekuen murrizketa

hirinet 2013-05-08 13:32   Gizartea

zirkua gasteizGasteizera etortzen diren zirku eta ikuskizunetan gatibu dauden animalia basatiak erabiltzea debekatuko du udalak, Bildu, PSE eta EAJ udal taldeek onartu duten zuzenketa aurrera ateratzen bada. Egun berritzen ari diren animalien inguruko ordenantzan debeku hau sartzea eskatu zuen Bildu udal taldeak, elkarte ekologistek zein animalien aldekoek eskatuta. Modu honetan, tigreak, elefanteak, krokodiloak, narrastiak eta sugeak ez dira ikusgai izango hirian egiten diren ikuskizunetan, bai, ordea, astoak, zaldiak eta bestelako animalia etxekotuak. Izan ere, aipatutako zuzenketa honek ez du zezenketetan eraginik izango, PSEk eta EAJ, ez baitute horrela ikusten. Gainera, udal gobernuaren ustez, zezenketen eskuduntza Eusko Jaurlaritzarena da.

Bidezko Merkataritzaren Nazioarteko eguna ospatzeko ekintza anitz Gasteizen

hirinet 2013-05-07 17:54   Gizartea

bidezko-merkataritza-kartelMaiatzaren 11an izango den Bidezko Merkataritzaren Nazioarteko eguna ospatzeko ekintzaz betetako aste beteko programazioa antolatu dute hirian aritzen diren hainbat GKEk eta elkartek (Setem, Medicus Mundi Araba, Intermon Oxfam, Corazonistas, Serso San Viator eta Misiones Diocesanas). 'Goxotu zure bizitza, aukeratu bidezko merkataritza" lelopean, produktuen dastatzeak, gozoki eta pintxoen ibilbidea eta emanaldi artistikoak antolatu dituzte hiriko txoko ezberdinetan. Aurten ospakizun hauen ardatza azukrea izango da. Antolatzaileek emandako datuen arabera, produktu honek 70.000 milioi dolar sortzen ditu merkatu konbentzionalean, halarik ere, ateratzen diren etekinak ez dira beti sortzen dutenen eskuetara heltzen. Alternatiba moduan, Bidezko Merkataritzaren azukrearen produkzioak %9 egin du gora azken urtean, guztira 140.000 tona ekoiztuz.

Ilan Papperen hitzaldia maiatzaren 14an, Euskal Herria-Palestina sareak antolatuta

hirinet 2013-05-07 13:04   Gizartea

ilan pappe hitzaldiaEuskal Herria-Palestina Sareak Ilan Pappe irakaslearen hitzaldia antolatu du datorren maiatzaren 14an 19.30ean Aldabe gizarte-etxean. Pappe ‘Garbiketa etnikoa Palestinan’ liburuaren egilea, Haifan jaio zen, egungo Israeleko kostaldean, eta hango unibertsitatean Historia Katedraduna izan zen, harik eta 2006an, liburua argitaratutakoan, bere iritzien eta lanaren ondorioz, erbestera bultzatu zuten heriotza mehatxuak jaso zituen arte.

Energia Jardunaldiak Gasteizen

hirinet 2013-05-07 11:20   Gizartea

energia-jardunaldiakMaiatzaren 8tik 11ra bitartean energia hizpide izango dute Fracking Ez Araba, Desazkundea, Bionekazaritza eta Mugarik Gabeko Ingenieritza kolektiboek antolatu dituzten jardunaldiek. Hitzaldiak, eztabaidak, dokumentalak, bazkari ekologikoa zein tailer ezberdinak izango dira Aldabe gizarte etxean zein EHUko Letren Fakultatean gauzatuko den programaren osagaiak.

Erosketa zerrenda euskaraz sakelekoan

hirinet 2013-05-03 13:07   Gizartea

saskia-appArtez Euskara Zerbitzuak sakelakoetarako (Android) eta tabletetarako erosketetako zerrenda euskaraz egiten laguntzeko Saskia aplikazioa egin du. Paper zatiekin, buruko ariketa deserosoekin zein hozkailuko zerrendekin bukatu nahi du Saskia app-ak.

Maiatzaren Lehena, deialdiak

hirinet 2013-04-30 10:21   Gizartea

greba orokorra banderakHainbat izango dira Maiatzaren Lehenaren harira sindikatuek burutuko dituzten mobilizazioak. Aurtengo Maiatzaren Lehena greba orokorraren atarian kokatu beharra dago eta langileriaren indarra neurtzeko abiapuntua izango da.

Danborrada, barraskiloak eta perretxikoak

hirinet 2013-04-26 14:51   Gizartea

san-prudentzio-2013-kartelaSan Prudentzio Arabako zaindariaren ohorezko jaiak hasi dira dagoeneko Arabako puntu ezberdinetan. Jaia berez apirilaren 28an izan arren, egun batzuk lehenago  hasten dira ospakizunak eta apirilaren 23an Maider Unda borrokalarika eta Patricia Elorza eta Eli Pinedo eskubaloi jokalariek jaiak igartzeko pregoia irakurri zuten.

Apirilaren 27an, larunbatean, 20.00etan hasiko da jaia, izan ere, erretreta egingo da udaletxeko balkoitik eta Udal Folklore Akademia eta Indarra Dantza taldeak egingo dute emanaldia. 21.00ak arte erretretaren deiak 15 minuturo egingo dira.

Gasteizko Gaztetxea, mende laurdena hiria pizten

hirinet 2013-04-23 12:18   Gizartea

gaztetxea-sarreraUne garrantzitsuek ospakizun handia eskatzen dute eta mende laurdena egunero ez denez betetzen, urteurrenari ekiteko kanpaina berritzaile eta original bati eman zioten hasiera Gasteizko Gaztetxetik. Modu honetan, Gaztetxeko sorgin bihurria bidaiatzen hasi zen, munduko toki ezberdinetara iritsiz. Munduko hamaika txokotan ibili da sorgina urteurrena iragartzen eta argazki mordoa ekarri ditu bueltan.

Kike Amonarriz: "Hizkuntza bat lantzeko eta hobetzeko modu bakarra hitz egiten hastea da"

hirinet 2013-04-16 12:18   Gizartea

kike-amonarrizDatorren apirilaren 19an, ostiralean, Hirinet-ek bere lehen urtea beteko du eta hori ospatzeko Andra Maria Zuriaren enparantzan egingo duen festan Kike Amonarriz aurkezle eta soziologoak ‘Gazte hizkerak eta hizkera gazteak. XXI.mendeko euskara’ hitzaldia eskainiko du, arratsaldeko 18.30ean. Hitzaldiaren nondik norakoak aurreratu dizkigu Kikek ondorengo elkarrizketan.

Hirinet.net Gasteizko euskaldunon atariak lehen urtea bete du

hirinet 2013-04-15 18:05   Gizartea

hirinet-urteurrena-kartela-txikia2012an GEU elkarteak abian jarri zuen Hirinet.net egitasmo komunikatiboak lehen urtea beteko du datorren apirilaren 19an, ostiralean.  Sareko hedabide euskaldun eta euskaltzale honen helburua Gasteizko euskaldunok sarean dugun topagunea izatea da, informazio eta entretenimendu iturri bezala erabili dezagun.


Orain dela urte bete jaio zenetik, Hirinet.net atariak 90.000 bisita inguru izan ditu. Gainera,  astero bidaltzen den buletinak 1.800 harpidedun inguru lortu ditu denbora tarte honetan. Horrez gain, sare sozialak funtsezkoak izan dira Hirinet-en argitaratu diren eduki guztiak zabaltzerako orduan. Horrela, 2.000 jarraitzaile inguru biltzen ditu Facebook, Twitter, Youtube eta Tuentin dituen orrialde zein profiletan.