Larunbatean Korrika Eguna antolatu zuten Trebiñun. Goizean, pilota partida eta Korrikaren aurkezpena egin zituzten Baxauriko frontoian, Arai erraldoi eta buruhandien konpartsarekin. Ondoren, bertso-bazkaria egin zuten, Asier Otamendi, Rikardo Gonzalez de Durana eta Felipe Zelaieta bertsolariekin.
Horrez gain, martxoan eta apirilean zehar bestelako ekitaldiak izango dituzte Trebiñun, Korrika Kulturalaren barruan: martxoaren 12an, eRRe antzezlana izango dute, 18:00etan Trebiñuko Ihuda-Ibaia areto nagusian; hilaren 20an, Gag Street Boys antzezlanaren txanda izango da, 13:00etan Albainako frontoian; 27an, berriz, Aitona Zittalak Bandaren emanaldia izango dute, 13:00etan Ihuda-Ibaia aretoan; azkenik, apirilaren 6an, Korrika Txikia egingo dute Argantzongo ikastolan, 17:30etik 18:30era.
ALBISTEAK MUGIKORREAN
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
Izan zaitez ALEAkide