Suteek ez dute etenik Araban. Bero-boladaren eta baso-suteen alertaren erdian, gutxienez beste bost sute piztu dira Araban gaurko eguerdian zehar: Argandoña (Gasteiz), Villaluenga (Erriberagoitia), Argote (Trebiñu), Mendiola (Gasteiz) eta Baroja (Urizaharra) kontzejuetan.
Argandoña
13:30ak aldera Argandoña kontzejuan (Gasteiz), hiriburuaren ekialdean, Estibaliz mendiaren magalean.
Antza denez, fardoak egiten ari zen traktore batek eragin du sutea, ibilgailuaren eta harri baten arteko marruskadurak eragindako txinparta txiki baten ondorioz. Sugarrek traktorea eta makineria kiskali dituzte.
Suhiltzaileak bertaratu dira, tartean ur-hegazkin bat, eta dagoeneko kontrolpean hartu dute sutea. Bitartean, A-132 errepidea moztu behar izan dute Andollu eta Argandoña herrien artean.
Fuego en fincas entre Argandoña y Villafranca, cerca de poblado. Pendientes de confirmar que está controlado. pic.twitter.com/BYjvBRc7M0
— Bomber@s Gasteiz (@Bomberos_VG) July 14, 2022
El fuego de Villafranca y Argandoña controla y estabilizado. Haciendo labores de refrescado de perímetro. pic.twitter.com/BHbADa9aTu
— Bomber@s Gasteiz (@Bomberos_VG) July 14, 2022
Villaluenga
Eguerdian ere, Villaluengan (Erriberagoitia) piztutako beste sute baten ondorioz, gutxienez herriko etxe bat hustu behar izan dute. Suteak hainbat zereal-lursail kiskali ditu, eta Argantzongo suhiltzaileak —Gaztela eta Leongo Juntaren menpekoak— eta Langraiz Okako suhiltzaileak bertaratu dira, eta dagoeneko kontrolpean dute sutea.
Inguruko nekazariak antolatu dira beren traktoreekin suebakiak egiteko Villaluenga eta Tuyo herrien inguruan, perimetroko zereala moztuz. Erriberagoitiko bizilagunek Udalarekin adostuta zuten uzta biltzeari uztea 12:00etatik 18:00etara bitartean, tenperatura altuengatiko suteak prebenitzeko.
Argote
14:30ak aldera beste sute bat piztu da Argoten (Trebiñu). 16:22an, Arabako suhiltzaileek sutea kontrolpean dagoela baieztatu dute:
Incendio de Treviño controlado pic.twitter.com/FjaLNo3E8b
— Arabako Foru Suhiltzaileak (@BomberosAraba) July 14, 2022
Baroja eta Mendiola
16:20ean, SOS Deiak zerbitzuak baieztatu du une honetan bost sute aktibo daudela EAEn; horietako bat Gipuzkoan (Aizkorri) eta beste lau Araban: Argandoña-Andollu, Villaluenga, Baroja eta Mendiola. Azken bi sute horiei dagokienez, oraingoz ez dago informazio gehiagorik, ez suteak eragin dituzten arrazoiei buruz, ez sutearen dimentsioaren inguruan.
⚠️❗️KONTU HANDIZ IBILI LANDA EREMUAN❗️⚠️
— SOS Deiak - 112 (@112_SOSDeiak) July 14, 2022
🔥 Une honetan 5 sute aktibo daude #Euskadi-n (1 Gipuzkoan eta 4 Araban):
📍#Andollu, #Villaluenga, #Baroja, #Mendiola eta #Aizkorri
📷 Andollu (Imanol Gago - @euskaleguraldia) pic.twitter.com/H4kQXsbHVf
Suteak egunero
Bost egunez jarraian Araban piztutako suteetako bat da: igandean, Trebiñun sute bat itzali zuten suhiltzaileek; astelehenean, tamaina handiko bi sute piztu ziren Mendozan eta Garaion; asteartean, berriz, Mendiolan eta Eturan izan ziren suteak; asteazkenea, sutea Durruma eta Urabain arteko lursail batean piztu zen. Horiez gain, tamaina ezberdineko suteak piztu dira Arabako zenbait puntutan, bereziki uzta bilketan murgilduta dauden zereal-lursailetan.
Larrialdi fasea
Bitartean, Eusko Jaurlaritzak baso-suteen alerta ezarri du Araban, baso-sute arriskuarekin lotutako iragarpen meteorologiko txarra aintzat hartuta. Euskadiko Baso-Suteetarako Larrialdi Planaren alerta fasea ezarri ostean, larrialdi fasea aktibatuko du biharko, ostiralerako. Horrek hainbat murrizketa eta debeku ekarriko ditu, batez ere landa inguruneari dagokionez.
Informazioa eguneratzen ari gara.