Alea TB

Martxoaren 3ko memoria bizirik, 44 urte eta gero

Milaka pertsona bildu dira Gasteizen, Martxoaren 3ko sarraskiarengatik "justizia eta erreparazioa" eskatzeko.

44 urte igaro dira 1976. urteko Martxoaren 3an, Gasteizen, polizia armatuak bost langile hil zituenetik. Argentinako kereilaren barruko Martin Villa auzia, Memoriaren Zentroa sortzeko proiektua eta lan istripu hilgarrien aurkako aldarria egongo dira aurtengo urtemugaren erdigunean.

Gehiengo sindikalak eta Martxoak 3 Elkarteak deitutako manifestazioan presente egon dira ere urtarrilaren 30eko greba orokorraren aldarrikapenak: "Bizitza, pentsio eta lan duinak, eta benetako aldaketa soziala". Gainera, urtearen hasieratik lan istripuz hildako 14 langileak eta Zaldibarko zabortegian lurperatuta jarraitzen duten biak ere gogoan izan dituzte.

Horrez gain, borrokaldian dauden hainbat enpresa batzorde batu dira manifestazio nagusira, puntu ezberdinetan; besteak beste, Laminaciones Arregiko langileen, Estampaciones Rubiko beharginen edota EHUk zein Hezkuntza Sailak azpikontratatutako garbitzaileen aldarrikapenak ikusi eta txalotu dituzte ibilbidean zehar.

Erlazionatuak

Justizia: hain gertu eta hain urrun

Gasteiz

44 urte igaro dira 1976. urteko Martxoaren 3an, Gasteizen, polizia armatuak bost langile hil zituenetik. Argentinako kereilaren barruko Martin Vill...
Ukabila, langileen ikur

Gasteiz

Martxoaren 3an hildako langileen omenez jarritako monolitoa, 1986. urtean jarri zuten gauez, Poliziak eragotzi ez zezan.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide