Alkateak Olarizuko gurutzearen sabotajea gaitzetsi du

Alkateak Olarizuko gurutzearen sabotajea gaitzetsi du
Olarizuko gurutzea erasotu dute. JUANMA GALLEGO

"Gasteizko tradizioaren, kulturaren eta historiaren zati" baten kontrako erasotzat hartu du udalbatzak.

Gasteizko alkate Gorka Urtaranek gaitzetsi du bart gauean Olarizuko gurutzeari egindako erasoa. Talde politiko guztiek, EH Bilduk izan ezik, "Gasteizko tradizioaren, kulturaren eta historiaren zati den" elementu horren kontra egindako sabotajea arbuiatu dute. EH Bilduk, berriz, esan du Olarizuko gurutzearekin gertatu denak ez duela errazten "sinbolo frankistei buruzko eztabaida lasaia".

Alkateak erakunde-adierazpena egiteko proposamena helarazi die udal talde politikoei gaur goizean, sabotajearen berri jakin bezain pronto, Udalaren gaitzespena azaltzeko. "Gaitsezpena aho batez eta azkar egin behar zen, baina ez da posible izan, zoritxarrez", azaldu du alkateak. Azkenean, PPK, EAJk, PSEk, Podemosek eta Irabazik sinatu dute adierazpena. Onarturiko testuak "irmotasunez gaitzesten du bart gauean Olarizuko Gurutzeari egindako erasoa, herritar ororen ondarea den horri kalte handiak ekarri baitizkio".

Lehenengo azterketaren arabera, gurutzea konpontzeko lana luzea, konplexua eta garestia izango da, kalteak handiak direlako. Hasteko, behin-behineko neurriak hartzea erabaki da, gurutzearen oinarrian hondatu den zatia sendotzeko, eta inguruan perimetro bat ezartzeko, pertsonen segurtasuna babeste aldera.

Erlazionatuak

Olarizuko gurutzea sabotatu dute gauean

Gasteiz

Egileen esanetan "gurutze frankista botatzeko erabakiari bizkar eman zaio, eta bidegabeko erabaki bat inposatu da".
Gasteizko Udalak ez du baimenik emango Olarizuko gurutzea eraisteko

Gasteiz

Mendiolako Kontzejuak gutun bat bidali die gainerako kontzejuei, babes bila.
Oroimenaren muga lausoak adostu ezinean

Gasteiz

Olarizuko gurutzeak izaera frankista ote duen ala ez; hortxe eztabaida. Gizarte zibileko hainbat eragilek sustatuta, Francoren erregimenak egitasmo...

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide