Pilar Garrido EAEko Podemosen koordinatzaile nagusiak eta Juantxo Lopez de Uralde Alianza Verderen koordinatzaile federalak EAEko hauteskundeetara elkarrekin aurkezteko akordioa aurkeztu dute.
Horren arabera, Juantxo Lopez de Uralde izango da Elkarrekin Podemoseko zerrendaburua Araban. Alderdi berdearen koordinatzaile federalak esan du "garrantzitsua" dela "leialak izatea zurekin leiala izan denarekin".
Garridoren arabera, Elkarrekin Podemos Alianza Verde da "benetako alternatiba baten alde egiten duen indar politiko bakarra", eta "ezkerretik gobernatzeko beharra" defendatzen duela babestu du, "politika ausartak egiteko".
EAJk, PSE-EEk eta EH Bilduk Eusko Legebiltzarrean onartutako klima aldaketaren legearen aurka azaldu dira koalizio berriko kideak, "oligopolioaren interesetara makurtzen den apustu ekologista" delakoan.