23. Korrika martxoaren 18an sartuko da Araban, euskararen aldeko herri ekimenaren antolatzaileek gaur iragarri dutenez. Harro herri lelopean, 2024ko martxoaren 14tik 24ra izango da aurtengo hitzordua, Irunen hasi, Euskal Herria zeharkatu, eta Baionan amaituz. Hamaika egun horietan Korrikak 2.173 kilometro egingo ditu Euskal Herrian zehar. Horietatik 261 kilometro gure lurraldean izango dira.
Martxoaren 18an –astelehena– sartuko da Araban euskararen aldeko ekimena, eta egun horretan egingo ditu gurean kilometro gehien. Goizean goiz egingo du, Nafarroatik Kanpezura sartuko baita, 04:37an. Bertatik, eta Nafarroako beste zenbait herritan sarrera azkarra egin ostean, berriro ere Kripandik bueltatuko da 06:58an.
Hala, aurtengo edizioak Arabako Errioxa ere zeharkatuko du, kuadrilla guztiak hartuaz. Guardiatik 08:15ean igaroko da, eta Lezatik pasatu ostean, Herrera mendatean gora Urizaharrera (10:25) eta Trebiñura (11:56) abiatuko da. Argantzondik (12:55) Langraizera (13:45) joango da. Izarrara 16:13an iritsiko da, eta Murgiatik 17:02an igaroko da.
19:30ean espero izatekoa da Gasteizerako sarrera, Abetxukutik. Hiriko hainbat auzo gurutzatu ostean, Alde Zaharrera 21:58an iritsiko da, Arkautitik hiriburua atzean utzi arte. Gaua ondo sartuta iritsiko da Burgura (23:56), eta asteartearekin batera iritsiko da Dulantzira (00:16). Agurainen kafeina pixka bat beharko dute, 01:59an pasako baita. Zalduondo eta Araia zeharkatu ostean, Eginotik aterako da lurraldetik 04:12an.
Aiaraldetik ostiralean egingo du bigarren sarrera, hilaren 22an, Artziniegatik (06:25). Amurriora 10:12an iritsiko da. Laudioarrek 11:27an egingo diote ongi etorria. Azkenik, larunbatean egingo du Korrikak hirugarren sarrera azkarra, Legutio (01:12) bisitatzeko. Herria zeharkatu ostean, Gipuzkoara abiatuko da.
MAPA INTERAKTIBOA
Noiz igaroko da Korrika nire herritik? galderari zehaztasun osoarekin erantzuteko bilatzaile bat martxan jarri dute. Horrela, zure herriaren, udalerriaren edo lurraldearen izena bilatu eta eremu horretan izango diren kilometro guztien zerrenda ikusi ahal izango duzue.
GASTEIZKO IBILBIDEA
ARABAKO KILOMETROAK
*Ordutegiak gutxi gorabeherakoak dira
MARTXOAK 18, ASTELEHENA
Kanpezu 04:54 Kripan 07:05 Elvillar 07:36 Guardia 08:15 Leza 08:50 Urizaharra 10:25 Trebiñu 11:56 Argantzon 12:55 Langraiz 13:45 Zuhatzu Kuartango 15.09 Izarra 16:13 Murgia 17:02 Abetxuku 19:33 Alde Zaharra 21:58 Elorriaga 23:11
MARTXOAK 19, ASTEARTEA
Dulantzi 00:16 Dallo 01:03 Zuhatzu Donemiliaga 01:39 Agurain 01:59 Erdoña 02:35 Zalduondo 02:56 Araia 03:20 Egino 04:12
MARTXOAK 22, OSTIRALA
Artziniega 06:25 Aiara 07:56 Amurrio 10:12 Laudio 11:27
MARTXOAK 23, LARUNBATA
Legutio 01:12
APLIKAZIOA
Aurten ere, 23. Korrikaren inguruko informazio eta nobedade guztiak telefono mugikorrerako app aplikazio baten bitartez eskuratu ahal izango dira: egunez egunekoa, herriz herriko bilatzailea (non eta noiz), Korrikaren egoera unean bertan eta informazio gehiago.
Honako lotura hauetan deskargatu daitezke:
