Araban barrena

Natura eta ondarea mugan

Anguloko mendatea zeharkatuz gero, bista ederrak gozatu daitezke. / PHOT.OK
Gaubea eta Aiaraldea lotzeko biderik ohikoena da Urduñako mendatea igotzea; badago, ordea, Anguloko haitza zeharkatzeko aukera, eta Burgosko Losako haran zabala bisitatu ostean, Añesen sartzea.

Karkamu eta Añes lotzen dituen gure ibilbide luzearen lehenengo etapan Araba mendebaldearen eta Burgos iparraldearen arteko muga ezagutzeko aukera izango dugu, eta muga horretan aurkituko ditugu herri ezkutu ugari, eta larre, mendi zein ur-jauzi zoragarri asko.

Ohikoena eta logikoena Aiaraldera joan nahi izanez gero, Karkamutik Bilboko errepidea hartu eta Urduñako mendatea igotzea litzateke, hogei bat  minutuan Tertangara helduko baikara.

Oraingo honetan, ordea, Karkamutik Gaubeako hiriburura abiatuko gara, Uribarri Gaubeara, Angostoko haitzartea zeharkatuz, eta Karanka, Villanañe, Gurendes, Corro eta Tobillas herriak igarota. Horietan guztietan ondare arkeologiko eta artistiko aberatsa gorde da, eta Euskal Herriko eremutarren haitzulo artifi zialak ere bisitatzeko aukera dago.

Arabako Boveda herria atzean utzi ondoren, Burgosko Losa haranean sartuko gara, Anguloko mendatera bidean. Hantxe topatuko ditugu San Pantaleon de Losa –Gurutzaden garaian bertan kokatzen zuten Graal Santua–, Rio de Losa, Villaluenga, Cozuela… Herri txikiak deskubritu nahi izanez gero, pagotxa da ingurune hori.

Gainera, Anguloko mendatea abiapuntu ona da mendizaleentzat. Mendatea jaitsi eta Añesen izango gara; bertatik Artziniegara iristeko Aiaraldeko herririk ezezagunenak bisitatzeko aukera dugu.

 

KARKAMU

Kuadrilla: Añana
Udalerria: Gaubea
Biztanleak: 29

+ INFO

 Distantzia: 40 kilometro

Denbora kotxez: 40 minutu

AÑES

Kuadrilla: Aiaraldea
Udalerria: Aiara
Biztanleak: 19

+ INFO

 Distantzia: 12,5 kilometro

Denbora kotxez: 20 minutu

ARTZINIEGA

Kuadrilla: Aiaraldea
Udalerria: Artziniega
Biztanleak: 1.803

+ INFO

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide