Ostirala, martxoak 24

17:00

Bexamela egin

Hor Konpon! zikloaren barruan berriz ere. Honen bitartez bexamela egiten ikasiko dugu, kroketa eta lasagna gozoak prestatu ahal izateko. Izena emateko linka honakoa da: http://bit.ly/3Z1iyS5

17:30

[FAMILIA IRTEERAK]: Legoekin familian eta euskaraz

Tarte polita eskainiko diogu familian legoekin jolasteari. *Umeak heldu batez lagunduta joan behar dira (heldu bakarra familia bakoitzeko, ume bat baino gehiago izan arren). Euskaraz komunikatzeko gaitasun minimoa eskatzen da. Zaindu puntualitatea.

18:00

'Zu eta ni berdin', Lupe Lekuona

5 urtetik gorako umeentzat izango da saioa.

19:00

Laburbira 2023

Euskarazko film laburren XX. zirkuitua.

19:00

Laburbira 2023

 7 film-laburrez osatutako bilduma eskaintzen du aurten Laburbirak, eta gaur egungo zinemagintzaren lagin aparta izaki, gure sortzaileen lanaz gozatzeko aukera emango die herritarrei; eduki zein estiloz denetariko pelikulekin osatua baidator film-labur sorta.

19:15

'Londres kartoizkoa da', Unai Elorriaga

Eus-Karria irakurketa taldearen topaketa.

21:00

[SARRERAK AGORTUTA] Su ta Gar

Iritsi da azkenean irrikaz itxaroten ari ginen Alarma deituriko Su Ta Gar-en diska berria.11 kantaz osaturik eta 60 min. inguruko iraupenarekin, Su Ta Gar-ek oraingoan ere asmatu duela esan dezakegu. 'Alarma' lan berrian alde batetik, abiadura handiko kantak aurkituko ditugu; beste alde batetik, eta beti bezela, kanta lasaiagoak. Baina tartean estilo eta kolore desberdinetako ikutu ugari aurkituko ditugu ere. Hau da, speed metal eta thrash azkarrena, baita metal pisutsu eta klasikoena (tempo erdiak, riff itsaskorrak…) eta baita beraien estilotik kanpo geratzen den baina bere osotasunean Su Ta Gar den kantaren bat ere.

22:00

[ATZERATUTA] Willis Drummond

Willis Drummond talde lapurtarrak "Gure Tokiak Tour II" kontzertu bira abiatuko du Martxoan. Guztira hamaika kontzertu eskainiko ditu taldeak hiru asteburuetan zehar.  Azken diska "Hala ere" izena darama eta egun disko hori ari dira taularatzen zuzeneko bero eta izerditsuetan.

08:00

15:00

'Lur bustian bertsolariak'

Iñaki Jauregialtzok buztina eta bertsoak bildu ditu 'Lur Bustian bertsolariak' erakusketan. Eskuz egindako zeramikazko 30 pieza biltzen dira bertan, buztin beltzez eginak, engobatuak eta esmaltatuak. Piezak bertsolariaren irudia eta haren bertsoak jasotzen ditu. Egitasmo honen helburuetariko bat bertsogintza gizarteratzea da, bertsolariak bertatik bertara ezagutu, partekatu, zabaldu eta bide batez euskara esparru ludikoarekin lotzea. Arabako kuadrillen arteko finala martxoaren 25ean izango da Laudion eta ordura arte zabalik izango da erakusketa.

11:30

12:30

Laburbira 2023

 7 film-laburrez osatutako bilduma eskaintzen du aurten Laburbirak, eta gaur egungo zinemagintzaren lagin aparta izaki, gure sortzaileen lanaz gozatzeko aukera emango die herritarrei; eduki zein estiloz denetariko pelikulekin osatua baidator film-labur sorta. Bi pase egingo dira. Geu elkarteak antolatuta.