3 eta 9 urte arteko seme-alabak dituten gurasoentzako saioa. Opor garaietan gure seme-alabekin egoteko eta jolasteko aukera gehiago izaten ditugu. Une ezin hobea da gure harreman horretan euskara ere goxatzeko eta gure seme-alabei euskararekin harreman indartsua eskaintzeko. Saio hauetan hainbat proposamen egingo dizkizuegu horri begira. Ez dira euskara klaseak baina bai euskara sustatzeko saioak. Euskara familian gutxi gutxi jakin arren ere parte har dezakezue. Primeran pasako dugu eta seme- alabei begira baliagarria izango zaizue. Oharra: tailerrera datorrenak kutxa bat (hutsik) ekarri behar du.
Ezagutu Euskal Herriko erromanikoaren harribitxia eraiki zuten emakumeak.
Batera, kultur proiektuak elkarrekin deialdiaren 2020-2021 edizioan aukeratutako lanetako bat da 'Larrugorritan' seriea. Gazteei zuzenduta dagoen euskarazko fikziozko serie bat da eta Jone Arriolak sortu du. Serie horretako lehen kapitulua ikusteko aukera izango da.
Udaberrian izan behar zen barnetegia urtero bezala egiterik izan ez bazen ere, aurten udako lehen egunetan barnetegia aurrera ateratzea erabaki dute Arabako Bertsozale Elkarteak eta Gorbeialdeko kuadrilak. Manurgako aterpetxean berriz ere elkartzeko aukera izango dute 10 urtetik 13 urtera bitarteko Legutio, Aramaio, Zigoitia, Zuia, Arrazua-Ubarrundia eta Aramaioko udalerrietako haur bertsozaleek. Izen ematea Ekainaren 11a baino lehen burutu beharko da, online.