Begi belarri ikus-entzunezkoen zikloaren barruan, Pastoreak dokumentalaren emanaldia. Sinopsia: Artzaintza Euskal Herrian mendetan barrena oso sustraitua izan den ogibidea da. Orain, berriz, egungo globalizazio garai honetan oso gutxik egiten dute lan honen aldeko hautua. Alabaina, gutxiengo horren artean ditugu Puy Arrieta eta Jon Etxeberria, bata arabarra eta bestea bizkaitarra hurrenez hurren, artzainak biak, Arratiako bailaran bizi direnak, eta lan honi gorputz eta arimaz emanak, hau da, bizi estilo jakin honi emanak. Dokumental honetan gaur egun artzain izatea zer den izango dugu hizpide, hala nola euren ohiturak zein diren, transmisioa, balioak eta emakumearen papera. XXI. mendean emakume edo gizon artzaina izateak zer esan nahi duen izango dugu hizpide. “Pastoreak” izango ditugu hizpide. Informazio gehiago: Oihaneder Euskararen Etxea - 'Pastoreak'
Irailetik ekainera bitartean, Gazte sortegiak sormen eskola egingo da Oihaneder Euskararen Etxean, astelehenero. Oihane Pereak, Miren Narbaizak, Edurne Azkaratek eta Hala Bideoko lagunek bertsolaritza, musika, antzerkia eta ikus-entzunezkoen laborategiak landuko dituzte bertan, hurrenez hurren. Izena emateko epea urriaren 16ra arte irekita egongo da. Eskolak 150 €ko prezioa du.
Arabako bertso eskoletan izena emateko deialdia. Aurkezpenak: -Irailak 30: Gasteiz (Amaia zentroa), 18:00etan. Haurrak eta gazteak. -Urriak 1: Oion (San Bizente Ikastola), 16:00etan. -Urriak 2: Amurrio (Kultur Etxea), 18:00etan. -Urriak 3: Kanpezu (Iturrienea), 19:30ean. -Urriak 4: Legutio (Kultur Etxea), 17:00etan. -Urriak 12: Zalduondo (Udaletxea), 16:30ean. -Urriak 17: Gasteiz (Amaia zentroa), 18:00etan. Helduak. -Urriak 18: Agurain (AEK), 17.00etan; Aramaio (Kultur Etxea), 17:00etan.
Txirritola euskara elkarteak Hitzak mendietan ekimena jarri du martxan. Urrian hasi eta azaroaren 22a bitartean luzatuko da.