Saioa berezia izango da, izan ere, bideo-elkarrizketa izango da, birtuala, alegia. Haurrek galderak idatziz, bideoz edo audio bidez bidali ahalko dituzte, abenduaren 11 baino lehen. Bideo-elkarrizketa Oihaneder Euskararen Etxean proiektatuko da, abenduaren 20an. Bi pase egongo dira: 18:00etan eta 19:00etan. Gonbidapena behar da (Oihanederren eskuragai). Abenduaren 21etik aurrera on-line izango da, alea.eus eta oihaneder.eus webguneetan.
Hainbat kultur diziplinatan ibilbide oparoa duten lagun eta profesionalak bateratzen ditu Artxipielagoa ikuskizunak. Sinergiak eta ametsak elkartuz, eta irla musikal bat bailitzan, kultur artxipielago bat gorpuztu dute, ekimenari izena eta izana emanez. SOPRANOA: Ainhoa Garmendia. BERTSOLARIA: Andoni Egaña. BIOLONTXELO ETA ESKUSOINU JOTZAILEA: Pello Ramirez. TXISTUA: Garikoitz Mendizabal. PIANO JOTZAILEA: German Ormazábal
Zirriborrotik ipuinera erakusketa antolatu da Eduardo Rodriguez eta Eneko Etxegarairen eskutik.