Jakinen 220. zenbakia ardatz hartuta, 'Umorea politikoa da' mahai-ingurua antolatu du Jakinek. Uxoa Anduaga soziologoak eta Laura Mintegi idazle eta EHUko irakasleak hartuko dute parte mahai-inguru horretan, eta umorearen eraikuntzaz eta mugez jardungo dute Iñigo Astiz kazetariak gidatuta.
Graffitiak baditu mila aurpegi: spray kultura alternatiboaren bideetatik du izena ikastaroak, eta Fill in Culture elkarteak emango du. Hamar saio izango dira guztira, urriaren 4tik abenduaren 20ra bitarteko asteazkenetan. Izena emateko epea zabalik dago, edozein gizarte etxetan zein interneten bidez.
Euskara ikasten ari zara eta belarria landu nahi duzu? Zinemaz gozatzearekin batera ikasi nahi duzu? Hil honetan Artiumeko liburutegian dituzten euskarazko pelikulak bildu dituzte zuretzat.