Gasteizko eskoletako haurrak buru-belarri aritu dira azken egunotan entseguetan, 2026ko Kantari ikuskizuna prestatzeko. Musikaren bidez euskararen erabilera sustatzea helburu duen ekimenak beste urte batez hartuko du hiriburua. Aurten Vital fundazioaren Arkabia aretoan ospatuko da jaialdia, maiatzaren 16an eta 17an. Ekitaldi guztiak, gainera, zuzenean jarraitu ahalko dira ALEAren webgunean.
Aurtengo edizioak 365 parte hartzaile inguru bilduko ditu, hamabost ikastetxetako 74 taldetan banatuta. Oholtza gainera igoko diren gaztetxoak honako ikastetxe hauetatik etorriko dira: Abendaño, Ramon Bajo, Mariturri, Olabide, Lakuabizkarra, Ibaiondo, Ikasbidea, Arantzabela, Errekabarri, Lope de Gereñu, Angel Ganivet, Toki Eder, Odon de Apraiz, Armentia, Salburua eta Carmelitas.
Ordutegiak eta antolaketa
Ikuskizuna larunbatean hasiko da, maiatzaren 16an, 16:00etan, Gasteizko Arkabia aretoan (Posta kalea 13). Parte hartzaileek, hala ere, 15:30ean egon beharko dute bertan. Igandean, berriz, bi saio izango dira, goizekoa, 11:00etatik 14:00etara; eta arratsaldekoa, 16:30ean hasi eta 19:30ean amaituko dena. Bi kasuetan, lehen taldeak ordu erdi lehenago deituta daude.
Antolaketa errazteko, taldeen ordutegiak agertzen diren taula ikus daiteke. Bertan ikusi ahal izango du ikastetxe bakoitzeko talde bakoitzak, eta gurasoek, noiz gerturatu behar duten Arkabia aretora.
Abesti zerrenda eta materialak
Helburua argia da: euskarazko musika eta sormena gaztetxoen artean sustatzea, eta aldi berean, ikastetxeen arteko elkarlana eta festa giroa indartzea.
ALEAren webgunean Kantari 2026ko atal berezian ikusgai izango dira talde bakoitzaren emanaldiak. Oraingoz, entseguetarako material lagungarriak jarri dira gaztetxoen eskura, izan audioak, letrak edota koreografiak ikasteko bideoak
Jarraian abesti guztiak orden alfabetikoan aurkituko dituzue.
- 17:21 - HUNTZA feat. Julieta Venegas
- Aldapan gora - HUNTZA
- Amets - GARI
- Amets bat - ALAITZ ETA MAIDER
- Aritmetika arazoak - TAPIA ETA LETURIA
- Arratsalde honetan - SOROTAN BELE
- Astotxo bat baneuko - TAPIA ETA LETURIA
- Atsegin ditut - BIDE ERTZEAN
- Aukera berriak - ETS
- Ausartak - ENE KANTAK
- Bang Bang Txiki Txiki - GATIBU
- Barikun - THE USKIS
- Begitara begira - VENDETTA
- Behar zaitut - HESIAN
- Beldurrik ez - ETS
- Beste behin - ETS
- Bidea gara - BETAGARRI
- Bizitzari txistuka - BETAGARRI
- Deabrutxo maitea - MAIXA ETA IXIAR
- Egingo dugu eztanda - ETS
- EH Sukarra - NOGEN
- Ekainak 24 - VENDETTA
- Emoiztazu bihotz - KAI NAKAI
- Enarak - NOGEN
- Eskuetan - PIRRITX ETA PORROTX
- Eskutitza - HEMENDIK AT
- Euritan dantzan - GATIBU
- Euskaraz bizi nahi dut - ESNE BELTZA
- Ez dakit - KAI NAKAI
- Furra Furra - OSKORRI
- Gabak zerure begire - GATIBU
- Gabero zu barik - THE USKIS
- Galdurikan nago - TAPIA TA LETURIA
- Gautxori - EGAN
- Gogoak - ESNE BELTZA
- Gora euskara - ENE KANTAK
- Gure bihotzaren taupadak - BULEGO
- Guregatik - HESIAN
- Haizea - KEN 7
- Hel nazazu eskutik - KEN 7
- Ikusi arte - BERRI TXARRAK
- Ilargia - KEN 7
- Iñaki - ZARAMA
- Iritsi da eguna - PIRRITX ETA PORROTX
- Itsasoa gara - KEN 7
- Itxaropen hautsien kaxa - LAIN
- Izar iheskorra - ETZAKIT
- Kantari abestia - KANTARI
- Kantuz eskertu - ZE ESATEK!
- Kolpe - KAI NAKAI
- Kukutza - ZEA MAYS
- Laztana - LATZEN
- Lehia ez da nahia - IMUNTZO ETA BELOKI
- Musikaren doinua - ETS
- Nere erri - SKALARIAK
- Prest - GATIBU
- Sarri sarri - KORTATU
- Suhiltzaile izan nahi dut - PIRRITX ETA PORROTX
- Sweet Mary - BETAGARRI
- Udarako gau luzeak - VENDETTA
- Zalantzarik ez - KAI NAKAI
- Zarena zarelako - SUGAN
- Zelan - THE USKIS
- Zuk esan - BIDE ERTZEAN
- Zurekin batera - ETS
