Sinadura bilketa bidez, herritarren babesa jaso nahi du Gasteiz Antzokiaren aldeko plataformak

Erredakzioa 2024ko mai. 13a, 10:02

Herritarren babesa jasotzea du helburu Plataformak. / Argazkia: ALEA

Iragan martxoan kultura, kazetaritza eta euskalgintzako dozenaka lagunek gutun baten bidez Gasteiz Antzokiari babesa adierazi zioten, eta Udalari proiektua martxan jartzeko beharrezko neurriak har zitzala eskatu. 

Pasa den astean Gasteiz Antzokiaren aldeko plataformak, bere aurkezpenean adierazi bezala, mobilizazio ezberdinak egingo ditu egunotan; tartean, sinadura bilketa kanpainari helduko dio berriz. Hain zuzen, arlo ezberdinetako aurpegi ezagunek eskaera hori egin zuten duela zenbait aste; horien artean ziren, besteak beste, Karmele Jaio, Edurne Azkarate, Iñigo Etxezarreta, Josu Zabala, Joseba Sarrionandia, Kike Amonarriz eta beste ehun lagunetik gora.

Orduz geroztik, egoerak onera beharrean, gehiago korapilatzera egin du, eta, ondorioz, sinadura bilketa horren bitartez herritarren babesa ere jasotzea bilatu nahi du plataformak.

"Kultur sortzaileek sorgunea behar dugulako, kulturzaleek eskaintza bat behar dugulako, eragileek topaketarako gune bat behar dugulako, herritarrek plaza bat behar dugulako eta euskarak bere tokia behar duelako" Antzokiaren irekiera eskatzen du gutunak.

Adierazpen horrekin bat egiten duen edonork eskaera sinatzeko aukera ere izango du datozen egunotan.

Erlazionatuak

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide