23. Korrikaren atzoko aurkezpen ofizialaren ostean, ekimena bultzatzeko Gasteizko denda noiz irekiko duten iragarri du AEK-k: hilaren 23an zabalduko dute, arratsaldeko zazpietan, Aldabe kaleko 7. atariaren parean.
Inaugurazio ekitaldian mokaduak hartzeko aukera egongo da, eta, aurreratu dutenez, Oinutsik taldearen kontzertu akustikoarekin batera girotuko dute arratsaldea.
Bertan egongo den materialaren gaineko ideia bat izateko, edo zuzenean online erostea nahiago dutenentzako denda.korrika.eus atariaren azpisaila atondu dute euskararen aldeko ekimenaren antolatzaileek.
