Gasteizko LGTBI+fobiaren aurkako Behatokiak egoitza berria du; hemendik aurrera, Pintore kaleko 47. zenbakian izango da. Urriaren 8an, joan den larunbatean, inaugurazio jaia egin zuten, 18:30etik aurrera, Yogurinha Borova, Haizeatxo, Tximu, Pus eta Killer Queen artisten emanaldiekin lagunduta. Gorka Urtaran alkatea eta udal gobernuko zein talde politikoetako ordezkariak bertan izan ziren ere.
Informazio eta salaketa gune izateaz gain, topaketa zein kontsultarako gune ere izango da. Eta egoitza aldaketa urrats berri bat izango da Lumagorri zisheterosexismoaren aurkako taldearen eta Udalaren arteko lankidetzan; duela lau urte LGTBI+fobiaren aurkako EAEko lehen behatokia (Ikusgune) martxan jarri baitzuten.
Gainera, Arabako hiriburuan sexu eta genero disidentziaren aitzindari izandako lokalak eta elkarteak omentzeko espazio berria izango da: besteak beste, 7menos20 kolektiboa, Estrellas en la Noche taldea eta 80. hamarkadako Las Nenas taberna.
Irudiak: Ikusgune, Gasteizko Udala, Rocio Vitero, STEILAS, Oskar Fernandez, David Mangado eta Claudia Venceslao.
👟Atzoko inaugurazio-festa ikaragarria izan zen. Eskerrik asko denoi!
— Ikusgune (@ikusgune) October 9, 2022
👟La fiesta de inauguración de ayer fue increíble. Muchas gracias a todes! pic.twitter.com/kBtBIRFrSP
Zelako giroa @ikusgune inaugurazio-jaian!
— Oscar Fdez Martín (@oskar_fm) October 8, 2022
Aurrera 💪🏳️🌈🏳️⚧️! pic.twitter.com/dj9dypw0Sv