Joan den ostiralean, markatze lanek amaiera eman zioten Mendizorrotzeko kirol-esparruko futbito, eskubaloi eta beste diziplina batzuetako kanpoko kantxak berritzeko lanei; 41.297 euroko kostu orokorra izan du esku hartzeak.
Azken asteetan, zoladuraren konponketa integrala egin da, eremu hondoratuak eta azalera desberdinetako zoladura-junturak konponduta. Halaber, kantxen azalera leundu eta margotu dute, eta eremu bakoitza markatu da. Kanpoko pistak 40 x 20 metroko azalerako bi kantxa dira, azalera sintetikoa dute eta futbitoan zein eskubaloian aritzeko markak dituzte. Halaber, argiztapen artifiziala dute eta hamabi aldagela: banakako sei eta beste sei kolektibo.
Lan horiei esker, Mindizorrotzeko kirol pistak prest egongo dira ostiralerako; izan ere, maiatzaren 28an hasiko da udako kanpaina. Gune erabilgarrietako bat izango da, edukiera mugatuarekin, eta segurtasun arau bereziak ezarri dira Covid-19aren aurrean.
