alea.eus

Olarizuko gurutzea Udalaren jabetza ez dela aldarrikatu du Mendiolak

Erredakzioa 2018-12-21 14:09   Politika  Gasteiz

Atzoko sabotajetik aldenduta, "komunikazioa eta koordinazioa" eskatu ditu Mendiolako Administrazio Batzarrak.

Olarizuko gurutzea Udalaren jabetza ez dela aldarrikatu du Mendiolak
Sabotajea egin diote Olarizuko gurutzeari. / ALEA | Ikusi handiago | Argazki originala

Olarizuko gurutzean atzo izandako sabotajetik aldendu da Mendiolako Administrazio Batzarra. Ekintza hori Kontzejuaren erabakitik kanpo dagoela adierazi dute, ohar batean.

"Batzar Administratibo honek eta Mendiolako bizilagunen Kontzejuak hala erabakita eta berariaz sortu zen Komisioak helburu bakarra dute Gurutzea bota edo, hala balegokio, bertatik kentzeko erabakia bide esklusiboki legezkoak erabiliz burutzeko, gune horretan beste alternatibaren bati leku egiteko".

Bestalde, Udalari egotzi diote "gurutzea eta berau dagoen lurra bere jabetzakoak balira bezala" jokatu izana. Gogoratu dute gune horretan edozein esku-hartze egiteko Mendiolako Administrazio Batzarraren baimena beharrezkoa dela.

Kutzemendi muinoan "segurtasuna bermatzeko eta prebentziorako behar diren ekintzak burutzeko" Udalari baimena eman diotela adierazi dute, baina, modu berean "komunikazioa eta koordinazioa" eskatu dizkiote. Bai Mendiolako Kontzejuak zein Arabako gainerako kontzejuen "erabakitzeko gaitasuna" errespetatzeko galdegin dute.
 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa