Martxoaren 19tik 29ra bitartean, Atharratzen hasi, Euskal Herria zeharkatu eta Bilbon amaituko da 24. Korrika, Euskara gara lelopean. Hamaika egun eta 2.000 kilometrotik gora izango dira guztira, zazpi lurraldeetan zehar, eta guzti horietatik hiru aldiz egingo du Araban sartu-irtena.
Ikusi hemen Korrikaren Arabako ibilbidea
Arabako jarraipen berezia
Korrika guztietan bezala, tokiko hedabideen lana ezinbestekoa izango da aurten ere. Gainera, AEKren eta tokiko hedabideen arteko elkarlanak etengabeko jarraipen berezia ahalbidetuko du, baita Araban ere. Izan ere, gure lurraldeko kilometro guztien jarraipena egingo du ALEAk, eta datozen egunetan honako eduki hauek topatu ahal izango dituzue webgunean:
- Martxoaren 14tik 24ra: zuzeneko streaming seinalea 24 orduz (martxoaren 14ko 15:15etik aurrera)
- Martxoaren 23an, 26an eta 27an:
- Arabako kilometroen argazkiak eta bideoak
- Arabako kilometroen jarraipena sare sozialetan
- Martxoaren 26an, ostegunean: Korrika Txikia Gasteizen
ALEAkideen laguntza
AEKk, tokiko hedabideek eta ALEAk Korrikaren xehetasunak minutuz minutu herritarrengana helarazteko ahalegin berezia egingo duten arren, ALEAk laguntza eskatu die ALEAkide eta arabar guztiei jarraipen berezian laguntzeko, argazkiak eta bideoak bidaliz honako bideak erabilita:
- Emailez: erredakzioa@alea.eus helbide elektronikora
- Whatsapp bidez: 645 66 86 02 telefono zenbakira
