Tradizioari eutsiz, Ramiro Gonzalez Arabako diputatu nagusiak harrera egin dio Luis Lopez de Sosoaga Arabako Pastelgile eta Konfitero Artisauen elkarteko presidenteari. Bertan, pastelgileen segizioa baten buru Lopez de Sosoagak San Prudentzioko tarta goxoa eman dio Gonzalezi.
"Festak pozteko eta elkartzeko arrazoi dira, eta guretzat, bereziki, tradizioa berreskuratzeko. Harrera hau tradizioaren eta errituaren parte da, gozoa eta alaia", adierazi du Gonzalezek. "Sektoreak pairatu dituen urte korapilatsuen ondoren, zailtasunak gainditzea espero dut, eta aparteko etorkizun bat espero dut. Izan ere, lurralde honetan konfiteria eta pastelgintzako tradizio handia dago, eta bizitza gozotzea atsegin dugu".
Horrela, Arabako jaietarako aurtengo lehen mugarria jarrita, apirilaren 23an, igandean, hasiko dira San Prudentzio eta Estibalizko Andre Mariaren omenezko ospakizunak:
- Egitaraua: 80 jarduera baino gehiago San Prudentzio ospatzeko
- Pregoia: Fernando Albizu izango da San Prudentzioko pregoilaria
- Kartelak: 'Festara': Arabako jaiek badute kartela
