⛅ EGURALDIA

Agurtu eta badoa

Elur kotak pixkanaka gora egingo du egunak aurrera egin ahala. Elur gisa beharrean, bihar prezipitazioak euri gisa etorriko dira. Opakua, Herrera, Urduña eta Zaldiaran mendateak itxita daude.

Azken eguneratzea: Urtarrilak 19, osteguna, 09:30

Behin elurtearen gogorrena pasata, zerua hodeitsu geratuko da. Goizean zehar elurra mantendu daiteke, eta Euskalmetek alerta laranjatik abisu horira pasarazi du egoera. Arratsaldetik aurrera 500-600 metro izatetik 1.200-1.500 metrora igoko da elur kota. Haizea gogotsu mantenduko da mendebaldetik, batez ere arratsaldean, eta pilatutako elurra astindu dezake, batez ere mendietan. Gasteizen -1 eta 7 gradu artean mugituko da galinstanoa.

Ostiralerako ere zeru hodeitsuak espero dira, tartean euria egin ahalko duela. Haize aldakorra ibiliko da, ipar osagaikoa. Termometroetan minimoetan nabarituko da aldaketa apurra, 2 eta 8 gradu artekoa iragarri baitu AEMETek.

Elur arriskua desagertzearekin batera, gaurtik aurrera euria, kazkabarra, desizoztea eta uholde arriskua iritsi daitezke.

BIDEOAK

Aldundiak alerta ezarrita du lurraldeko errepide ugaritan elurragatik eta izotzagatik. Bestalde, osteguneko 09:30ean, kateak beharrezkoak dira hainbat errepidetan zirkulatzeko (Kruzeta eta Gasteiz), eta beste lau mendate itxita daude:

  • Opakua
  • Herrera
  • Urduña
  • Zaldiaran

Iturria: araba.eus

Kontsultatu Gasteizko trafiko kamerak minutuz minutu hemen.

Bestalde, Eusko Jaurlaritzako Segurtasun Sailaren kameren bitartez, lurraldeko errepide nagusien unean uneko egoera ikusteko aukera dago:

OHARRA: Posible da kamera batzuen seinalea galtzea zenbait unetan. Iturria: trafikoa.eus

Erlazionatuak

Elurrak zurituta esnatu da Araba

Araba

Espero zen bezala, elurra gogor hasi du 04:30etik aurrera, Arabako bazter guztiak zurituz. Larrialdi plan guztiek martxan jarraitzen dute, eta 17:3...
Lehen elur malutak ailegatu dira Arabara

Araba

Astearte eguerdian, aurreikusitakoa baino ordu batzuk lehenago, elurra hasi du Araban; eta hiriburura ere 14:00ak aldera iritsi dira lehen elur mal...

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide