Maiatzean EITB Focusen udal zein foru hauteskundeei begira iragarritako aurreikuspenak berretsi ditu Eusko Jaurlaritzaren azken Soziometroak: 2023ko udal eta foru hauteskundeak gaur egingo balira, EAJk bere nagusitasuna sendotuko luke, hiru lurralde eta hiriburuetan irabaziz.
Orokorrean %40ko abstentzioa aurreikusita, Arabako foru hauteskundeei dagokienez honako emaitzak aurreikusi ditu Soziometroak:
- EAJk garaipen erosoa lortuko luke, botoen %31,6rekin.
- EH Bilduk goranzko joerari eutsiko lioke, botoen %23,3 eskuratuta.
- PSEk emaitzak mantendu eta hirugarren postua lortuko luke, botoen %17rekin.
- PPk botoen %14 lortuko luke.
- Podemosek beherakada nabarmena izango luke, botoen %6,8rekin.
- Voxek botoen %3,4 lortuko luke, emaitzak hobetuz baina Arabako erakunde nagusitik kanpo geratuz.
Bestalde, Gasteizko udal hauteskundeei dagokienez, Soziometroak lehia askoz ere gogorragoa aurreikusten du alkatetza lortzeko:
- EAJk irabaziko luke botoen ehunekoan: %24,3.
- EH Bilduk botoen %22 lortuko luke, zinegotzi bat gehiago lortuz eta EAJren zazpi zinegotziak berdinduz.
- Elkarrekin Podemosek hiru zinegotzi izatetik bi izatera igaroko litzateke, botoen %7,3 eskuratuta.
- PSOE hirugarrena izango litzateke, botoen %20,4 eta sei zinegotzi lortuta; hau da, emaitzak errepikatuz.
- PPk bere bost zinegotziak mantenduko lituzke, botoen %18rekin.
- Voxek boto gasteiztarren %4,6 jasoko lituzke, baina Udaletik kanpo geratuko litzateke ere.
