Laster bost hilabete beteko dira Israelek Juana Ruiz Sanchez atxilotu eta kargurik gabe espetxeratu zuenetik. Azken 35 urteetan Palestinan bizi izan da, eta Health Work Committees (HWC) GKE-ko proiektu koordinatzaile gisa lan egin du. Israelgo epaitegi batek bista teknikoa egingo du gaur, hainbat atzerapenen ostean, epaiketa noiz hasiko den zehazteko.
Egoeraren berri emateko batzar informatiboa egin dute Gasteizko Buruileria plazan, eta Sanchez "lehenbailehen" aske utz dezaten eskatzeko talde argazki bat egin dute; Sanchez bera kolaboratzaile den Hala Bedi irratiko zenbait lagun eta talde internazionalistetako kideak izan dira.