Azken urte eta erdian bizitakoa islatu nahi izan du Huntza taldeak Haizeak abestiarekin, hitza, musika eta irudien bidez. Horretan Doctor Prats talde kataluniarrak lagundu die. Joan den ostiralean plazaratutako bideoklipak 50.000 ikustaldi inguru ditu dagoeneko.
Duela hilabete grabatu zuten, maiatzaren 23an, Gasteizko Miñao kontzejuan kokatutako Arabako Teknologia Parkean. Irudietan Aernnova enpresaren ingeniaritza saileko eraikina edota Epsilonen instalazioak ikus daitezke, taldekideak patinete elektrikoen gainean doazen bitartean. Produkzio lanak Bideolan ekoiztetxeak eta Ander Arakistainek egin dituzte, eta, besteak beste, Izaskun Urkijo arte zuzendari gasteiztarrak lagundu du lokalizazio lanetan.