Lurralde osoko 230 bideo baino gehiago aurkeztu dira bideo-kopla lehiaketaren lehen edizioan, eta datozen egunotan zabalik egongo da parte hartzaile guztien artean botoa emateko epea.
Aurkeztutako parte hartzaile kopuru handiaren eraginez, eta boto ematea errazteko asmoz, parte hartzaileak taldeka sailkatu ditugu, eta orrialde ezberdinetan antolatuta egongo dira. Norberak dagokion orrialdean aurkituko du bere taldea, eta bertan eman ahal izango du bozka.
Hauek dira antolatutako multzoak:
|
Abendaño ikastola, Adurtza ikastola, Arantzabela, Armentia ikastola, Barrutia ikastola, Ekialdea, Ikasbidea ikastola eta Lakuabizkarra |
|
Lakua, Luis Elejalde, Odon de Apraiz, Olabide ikastola, Ramon Bajo, Tokieder, Zabalgana eta beste batzuk |
|
Agurain, Dulantzi, Araia, Zaldundo eta beste zenbait herri |
|
Izarra, Legutio, Murgia, Aramaio, Gopegi, Kanpezu, Maeztu, Amurrio, Pobes... eta beste batzuk |
Publikoaren aldetik boto gehien jasotzen dituen taldeak irabaziko du bideo-kopla onenaren saria. Baina kontutan hartu beharko da lau multzoen arteko lehia izango dela eta guztien artean bakar batek jasoko duela saria.
Pertsona bakoitzak gehienez hiru boto bakarrik eman ahalko ditu orrialde bakoitzean, eta, horrenbestez, lehia bizia aurreikusten da parte hartzaile guztien artean.
Bestalde, epaimahaiak eman dio hasiera bere ebaluazioari, eta kuadrilla bakoitzeko kopla sariduna aukeratzeko ardura izango du.
Guztien artean sari ugari izango dira lehian:
- BAHKeko izotz pistan taldean gozatzeko esperientzia talde irabazle bakoitzarentzat.
- ELKARren material sortak irabazle guztientzat.
- Laboral Kutxaren eskutik, taldean gozatzeko escape room esperientzia.
Zorte on parte hartzaile guztioi!