Demanda judizialak abiatuko dituzte Laminaciones Arreguiko kaleratutako langileek

Gasteizko epaitegietan elkarretaratzea egin dute Laminaciones Arreguiko langileek. / LAB sindikatua

Celsa Atlantic-Laminaciones Arreguiko langileek enplegua aldarrikatu dute Gasteizko epaitegien aurrean. Bertan, kaleratutako zortzi langileak berriz onartzea exijitu dute.

Enpresako langile gehienek bat egin dute gaur "Arabako lantegien etorkizunaren alde" gaur deitutako lanuztearekin, eta elkarretaratzea egin dute Gasteizko Justizia Jauregiaren aurrean.

Izan ere, otsailean kaleratutako zortzi langileek demanda judizialak eta adiskidetze-orriak aurkeztuko dituzte, berriz onartzea exijitzeko. Kaleratze kolektiborako prozedura bat aurkeztea saihesteko muga otsaila zen, eta enpresak "beste kolpe judizial bat saihesteko" estrategia izan duela salatu dute langileek.

Enpresa batzordeak salatu du kaleratutako langileak ELA eta LAB sindikatuetako afiliatuak direla, eta 2012ko greba orokorrean modu aktiboan parte hartu zutela. Gainera, horietako batzuk bajan zeuden kaleratuak izan ziren momentuan. "Inposizioen bidea hartu du berriro enpresak", ondorioztatu dute, eta kaleratutako langile hauek zigortu nahi izan dituela salatu dute.

"Enpleguari eutsi behar zaio eta etorkizunerako bermeak" eskatu dituzte Gasteizko epaitegien aurreko mobilizazioan.

Erlazionatuak

Zortzi langile kaleratu ditu Laminaciones Arreguik

Araba

Ostegunerako lanuztea eta mobilizazioa iragarri dute Celsa Atlanticeko langileek.
Laminaciones Arregui ixteko arriskuaz ohartarazi dute langileek

Gasteiz

Bi orduko lanuztea egin dute gaur, zortzi lankideen kaleratzeak salatzeko. Kaleratuak berriro lanera itzultzea exijitu dute, "Gasteiz eta Urbinako ...

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide