Arabako Aleak astero ekoizten duen AleaFM irratsaioa Hala Bedi Bi irratian ere izango da entzungai; asteazkenero, 20:00etatik 21:00etara, 88.8 FMn Gasteizen eta Lautadan. Orain arte bezala, euskarazko irratsaioa Radio Vitorian emititzen jarraituko dugu, asteartero, 17:30etik aurrera. Horrez gain, asteartetik aurrera, saioa eskura izango da alea.eus webgunean.
AleaFM irratsaioa ordubeteko euskarazko saioa da. Bertan, Arabako egunerokotasunari lotutako gaiak jorratzen ditugu, Pil-Pilean izeneko atalean. Kulturak eta kirolek ere tartea dute Hamaika Saltsa atalean. Horrez gain, astero Arabako Alea aldizkariko zutabegileen iritzia entzuteko aukera izaten dugu, eta hurrengo egunetan Araban izango diren euskarazko hitzordu guztiak biltzen dituen agenda eskaintzen dugu.
Parte hartu AleaFMn
Arabako Aleak ekoizten duen irratsaioa hamar lagun inguruk osatutako lantalde batek egiten du. Astero eta bikoteka, gure kolaboratzaileek inguruko albisteen berri ematen digute, euskaraz.
Zuk ere irratsaioan aurkezle bezala parte hartu nahi baduzu, idatzi mezu bat irratia@alea.eus helbide elektronikora.
