Barrongo urtegiaren obra gelditzeko eskatuko dute

Barrongo urtegiaren kontrako plataforma osatuko dute eta ezinbesteko informazioa eta azterketa sozioekonomikoa egin arte egitasmoa gelditzeko eskatuko dute. Hala erabaki dute Añanako bizilagunek gaur Espejon egindako asanbladan.

Plataforma bat osatuko dute Añana Kuadrillan Barrongo urtegiari aurre egiteko. Ez dute obra handiaren beharra inondik inora ikusten eta lurzoruen ureztapena beste bide batzuetatik egin daitekeela uste dute. Hortaz egungo errealitatearekin bat egiten duen azterketa sozioekonomikoa egiteko eta benetazko informazio publikorako epea zabaldu arte egitasmoa gelditzeko eskatuko dute. Arabako Foru Aldundira joko dute.

Bigarren asanblada egin dute gaur arratsaldean Añana eskualdeko bizilagunek Barronen Ebroko Ur Konfederazioak egin nahi duen urtegiari buruz hitzegiteko. Arabako urtegi handienetakoa izango litzateke, Albinaren tamainakoa, eta teorian behintzat lurrak ureztatzeko balio behar du. Haatik, inguruko bizilagunek ez dute makroproiektuaren beharra inondik inora ikusten. 

Kolore guztietako lagunak bildu dira Espejoko asanbladan, eskualdeko herri askotako bizilagunak, kaltetutako nekazariak, UAGA sindikatuko kideak, ureztatzaileak, Gaubeako alkatea eta Kuadrillako lehendakaria, EHBildu, Podemos eta Irabaziko eledunak, Ekologistak Martxan taldekoak eta Kontzejuen elkartekoak. 

Erlazionatuak

Asanbladara deitu dute Barrongo urtegiari buruz erabakiak hartzeko

Añana

Asanbladara deitu dute ostegun honetan Barrongo urtegiaren egitasmoari buruz informazioa zabaltzeko eta erabakiak hartzeko. Batzarra 18:00etan egin...
Barrongo urtegiaren proiektuak piztu du sua

Añana Gesaltza-Añana

Batzarra antolatu dute Añanan hilaren 28an 18:00etan Barron eta Atiega herrien artean Espainiako Gobernuak eta Ebroko Ur Konfederazioak eg...

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide