Aurkezpena

19:00

'Euskalkien sailkapen berria', Gotzon Aurrekoetxea eta Jose Luis Ormaetxea

EHUko Gotzon Aurrekoetxea eta Jose Luis Ormaetxea irakasleek argitaratutako liburu honek errotik aldatzen du euskalkiak eta hizkerak sailkatzeko metodologia.   Gonbidapenak eskuratzeko hitzordua baino astebete lehenago zabalduko da aukera. Informazio gehiagorako klikatu hemen.

19:00

'Gorerri bisuala', Zaloa Ipiña

Zaloa Ipiña artista plastiko bizkaitarrak bere lanean oinarritutako liburua aurkeztuko du. 'Gorreri bisuala' Hiruerreketa, euskararen arte-urak erakusketa hirukoitzaren parte da. Liburu hau hizkuntza gutxituak jorratzen dituen Gorreri bisuala proiektu artistikoaren parte da eta euskara, ikerketa eta tresna gisa, ardatz nagusi badu ere, beste hizkuntza batzuk ere ageri dira, besteak beste, galegoa, asturiera, aragoiera, okzitano-aranesa eta katalana.

19:00

[HITZ ADINA MINTZO] Mankanyera

Urte berriko bigarren hizkuntza izango da mankanyera, Iruran bizi den Jorge Naur Mango Barai guinea bissautarrak aurkeztuko diguna. Guinea Bissauko hizkuntzarik nagusiena kriola da, jende guztiak erabiltzen du. Guinea Bissaun etnia ezberdin asko daude, eta bakoitzak bere hizkuntza du. Jorge Mangorena mankanyera da, hizkuntza zaharra, ahoz belaunaldiz belaunaldi pasatzen dena. Azken urteetan, Afrikako beste hizkuntza asko bezala, mankanyera ere geroz eta jende gutxiagok daki.

19:00

'Suak pizten direnean', Mikel Soto

Urtetan editore izan ondoren, 'Suak pizten direnean' poemategia idatzi du Mikel Sotok bere belaunaldi politikoaren kronika poetiko bat eginez, kontzientzia politikoaren iratzartzea, borroka-urteak, atxiloketak, torturak eta kartzela kontatzen dituena, pasioz bezainbateko zintzotasunez, belaunaldi horren borrokak, porrotak zein ametsak erretratatuz. Euskal Herrian hainbat saio egin ditu izen handiko idazle, musikari eta artistekin eta Gasteizen ere eskainiko du errezitaldia, Oihaneder Euskararen Etxean, Pettiren zuzeneko musikak lagunduta.

19:00

[AHOSKERA LABORATEGIA] Hitza lanabes, sarritan aldrebes Ilaski Serrano, Franck Dolosor eta Edurne Azkarate

Oihaneder Euskararen Etxeak, UEUrekin elkarlanean, eta hainbat eragileren eta erakunderen laguntzarekin euskara estandarraren ahoskerarekin eta, oro har, ahozkotasunarekin zerikusia duten bestelako aldagaiekin esperimentatzeko laborategia jarriko du martxan 2021ean, eta Ahoskera laborategia izango da. Ahoskera Laborategiaren aurkezpen gisa mahaingurua antolatu da euskara lanabes duten hiru profesionalekin: Ilaski Serrano (Bermeo 1976), Franck Dolosor (Donibane Lohizune, 1977) eta Edurne Azkarate (Oion, 1993). Jarduera honek AEK eta IKA euskaltegien laguntza jaso du.