Liburuak ingurumenaren alde ekiteko istorioak, bidaiak eta zientzia harilkatzen ditu. Agerian jarri nahi du badagoela larrialdi klimatikoa eta bioaniztasunaren galeraren arazoei buruz askatasun eta kreatibitate handiagoz pentsatzerik eta, azken batean, ekiterik.
Gazte Sortzaileak gazteen artean euskarazko sorkuntza sustatzeko beka deialdia da. Proposamenik onenak laguntza ekonomikoarekin eta aholkularitza profesionalarekin saritzen dira, gazteek aurkeztutako proposamena egikari dezaten. Deialdi berriaren atariko gisa, 2015etik 2021era bitarteko edizioetako hainbat bekadunen lanek lekua izango dute otsaila eta martxoko agenda kulturalean, 'Gazte Sortzaileak bolo bolo' programaren barruan.
Sinopsia: Emakumezko txotxongilo bat gela batean itxita agertzen da, lurrean ahuspez eta geldirik. Hainbat esperientziaren ondoren, sokak lotzen zaizkio gorputzari eta bere mugimenduak gero eta arinagoak dira. IRAUPENA: 10 minutu