Larunbata, ekainak 11

08:00

Gauekoak | Paddlesurf

Lekeitioko badian eta itsas-adarrean kirol dibertigarri batean hasteko modu ona. Paddlesurf-a gustuko baduzu edo lehen aldiz probatu nahi baduzu, aprobetxatu aukera eta eman izena! Irteera: 08:00etan Gasteizko autobus geltoki zaharretik.  Amaiera: 17:00etan Gasteizko autobus geltoki zaharrean. * 18 urteko beherakoek gurasoen baimena sinatuta ekarri beharko dute. Jarduerei buruzko informazio orokorra atalean aurkitu dezakezue. Izen-emateak: https://labur.eus/x6Rpw

10:30

Hegaztien mundura sarrera

Ornitologia lantegia, Andoni Llosarekin. Ignacio Aldekora kultura etxea eta Arabako Naturaren Institutua elkarlanean. Haur eta gazteentzat. Plaza mugatuak. Izena emateko edo informazio gehiago lortzeko: www.araba.eus

17:30

Arabako Bertsolari Txapelketa. Finala

Bertsolariak: Peru Abarrategi, Manex Agirre, Paula Amilburu, Xabi Igoa, Oihane Perea, Iñaki Viñaspre. Sarrerak eta informazio gehiago: https://bertsosarrerak.eus/sarrerak/sarreren_salmenta_orria  

18:00

'Noa uy, uy, uy', Pantha Rei

Noak ia hiru urte ditu, eta neska espontaneoa, askea, urduria, bihurria, jostalaria eta barregarria da. Egun batzuk igaroko ditu aitona-amonen etxera, urrun eta oso lasai bizi baitira. 

18:30

[KALDEARTE] 'Bidearen amaieran', Hortzmuga

Ikuskizunean, hainbat urtez ikusi gabe egon ondoren, aita-semeak une berezi batean elkartuko dira; izan ere, Alzheimerren gaitzak menderatzen du aitaren bizitza, eta "drag queen" karrera profesionalak definitzen du semearena. Distantziak, gorrotoak eta gaitzespenek markatutako erlazioa. Komedia emozionala, nahastez, umorez eta sentimenduz betea. Kale-ikuskizun onenaren Max sarirako izendatua 2022an.

19:00

Txagoko jaiak: Dena + Lukiek + Punkaraoke + DJ Rosa Mari

Ekainaren 11n, larunbatean, Dena, Lukiek, Punkaraoke eta DJ Rosa Mari arituko dira Txagoko jaien bigarren egunean.

19:30

[KALDEARTE] 'Ur', Haatik dantza

Ikuskizunean garrantzia hartzen du giza katearen lanak: ibaia estali, mendia zulatu, gailurra moztu: trenbide, kamioitegi, erraustegi, aireportu… Eraikitako etxea eraitsi egin dute. Esnatze prozesu mingarri bat: gorputza ikasi, mina deskubritu… Norbera eraiki etxea berreraikiz. Ekonomia jasangarriaren aldeko alegoria bat.

23:00

[KALDEARTE] 'Ogiak hizketan baleki', Mamia kolektiboa

1836ko Gasteizen gaude, lehenengo karlistaldian. Ikuskizunak kazetaritza, antzerkia, performancea eta teknologia berriak uztartzen ditu, eta Euskadin eta Europan lehenengoz erabiliko du tresna eszeniko berri bat: kazetaritza performatiboa. Ikerketa-kazetaritzaz eta arte eszenikoez haratago doan artefaktu kulturala. Informazio gehiago: https://www.vitoria-gasteiz.org/wb021/was/contenidoAction.do?idioma=es&uid=_23a15b61_1222a40577e__7fcb