Osteguna, azaroak 4
18:00
'Ze polita zaren', Ane Gebara
Salburuko gizarte etxeko familia liburutegia, Gasteiz | IPUIN KONTALARIAHemen gaude eta oso talde polita osatzen dugu. Istorioak entzungo ditugu eta, amaitzean, harro eta pozik sentituko gara garen bezalakoak izateagatik. Adina: 4-8 urte.
19:00
'Ombuaren itzala', Patxi Bisquert eta Joseba Barriola
Oihaneder Euskararen Etxea, Gasteiz | IKUS-ENTZUNEZKOAEguzki Art zinema eta Arabako Bertsozale Elkarteak Ombuaren itzala: bertso festa ekimena antolatu dute herriz herri udazkenerako. Helburu hirukoitza izango du egitasmoak, Otaño bertsolaria eta bere garaia ezagutzera ematea, Arabako bertso-eskolak plazaratzea, bertso saio gustagarri bat eskaintzea herriari eta Filma gauzatu ahal izateko auzolana aktibatzea Arabako herrietan. Gonbidapenak urriaren 28tik aurrera eskuragarri hemen.
17:0020:00
'Leihoa inarrosten' , Nefer Olaizola
Emakumeen Etxea / Etxanobe jauregia, Gasteiz | ERAKUSKETAErakusketa Virginia Woolfen 'A Room of One's Own' liburuaren berrinterpretazio esperimentala izango litzateke. Animazio esperimental baten bidez, Woolfen argudioak eszenaratzen dira, literaturaren eta bideo artearen arteko hibridaziora iritsiz, narratiboki haren hitzak eta sakonerak ardatz hartuta. Horrez gain, meta-tematikoa izango litzateke proiektua, emakume artisten egoeraz jarduten duelako, emakume artista baten pentsamendu eta saiakeraren bitartez, eta aldi berean, bigarren emakume artista baten proiektuan bilakatuta. Muntaiari dagokionez, instalazio moduan erakutsiko da, non 1920.urteko logela bat eraikiko den, paretan bideoa leiho moduan proiekturik. Modu honetan, iragana eta orainaren arteko lotura ikusiko da, emakume artistaren problematika gaur egun mantentzen delako, alegia. Azaroaren 2an, Nefer Olaizola artistak bisita gidatuak eskainiko ditu, 18:00etatik 20:00etara. (15 minutuko 8 pase egingo ditu). Izen-emateak: emakumeenetxea@vitoria-gasteiz.city, 945161214 telefonoan edo Emakumeen Etxean (Santa Maria, 11).
