Ostirala, uztailak 3

19:00

[ANTZERKIA] Eta kiTTorik ez!

Bi neska eta sekretu bat. Beste hirugarren bat ere badago, hilda. Garaiz heltzen ez den pertsonaia bat ere bai. Non ote dago? Zertan ari ote da? Harreman guztiek dute alde ezkutu bat. Misterioa eta umore absurdoari tiraka, taula gainean izango dira Josune Velez de Mendizabal, Ane Gebara eta Jason Guerra aktoreak KiTTorik ez! antzezlana aurkezteko, itxialdiaren ostean lurraldean ikusi ahal izango den lehenetarikoa. Gazte sortzaileak bekaren ekimenez, Ozetako Garaion sorgingunean sortu dute konfinamenduak iraun bitartean, eta bertan aurkeztuko dute lana uztailaren 3an. @kittorikez Instagram kanalean jakinaraziko dituzte ALEA obra ikustera joateko beharrezko argibideak.

20:00

[BERTSO SAIOA] Oholtzapetik: Unai Anda + Orlando Arreitunandia + Aroa Arrizubieta + Oihane Perea

2016an hasitako egitasmoari jarraiki, Arabako bertsolariak oholtzapetik entzulea epaile txapelketaren 3. edizioa izango da aurtengoa. Lau saiotan banatuta, Arabako 16 bertsolari, 5 gai jartzaile eta entzulea epaile izango dira. Saio bakoitzean bertsolari bana sailkatuko da Araian ospatuko den azken finaleko saiora. Hirugarren bertso-saioa Bastidan, uztailaren 3an: Gai-jartzailea: Idoia Marauri. Unai Anda. Orlando Arreitunandia. Aroa Arrizubieta. Oihane Perea.