Ostirala, abenduak 13

10:00

[JAIA] I. Liburu Azoka

Handitzen handitzen Oiongo Ramiro de Maeztu ikastetxeak 2018-2019ko ikasturtean aurrera eraman duen proiektua da; eta 2019-2020 ikasturtean, bigarren urratsa egiten ari dira Handitan zer? egitasmoarekin. Horren harira, euskal idazleen eta sortzaileen lana ikasleei gerturatzeko lana egin dute urteko lehen hiruhilekoan.   I. Liburu Azoka egingo dute ikastetxean, eta horretan musikariak, idazleak eta sortzaileak biltzeko saiakera egiten ari dira.

18:00

[IRAKURLE KLUBA] '1.362 kilometro euri'

Eus-Karria euskarazko irakurle kluba. Garazi Goia eta Goizalde Landabasoren 1.362 kilometro euri liburuaren inguruan solastuko dira parte-hartzaileak.

19:00

[IPUIN KONTALARIA] 'Harriek kontatu didatena'

Euskararen Egunaren harira, Ane Gebara ipuin kontalariak Harriek kontatu didatena gazte eta helduentzako ikuskizuna aurkeztuko du Gaubean; Araban jasotako eta egokitutako ipuinak dira protagonistak.

19:30

[AURKEZPENA] 'Gatazkak: Borroka moldeak eta kultura politikoa herri mugimenduetan'

Mendialdeko IV. Jardunaldi Feministen egitarauaren barruan. Joxemi Zumalaberen eskutik, Gatazkak liburuaren aurkezpena. Ondoren, jatekoak eta musika izango dira.

20:00

[BERTSO SAIOA] Aramaio Jaialdia

Bertsolariak: Maialen Lujanbio eta Unai Iturriaga. Gai jartzailea: Maite Berriozabal.

[PROPOSAMENA] Batera deialdia

Batera diru-laguntzaren bigarren deialdia abian jarri du Oihaneder Euskararen Etxeak. Gasteizko gazteek kultur proiektuak aurkezteko aukera izango dute, eta antolatzaileek Crowdfunding egitasmo bat martxan jartzen laguntzeaz gain, 2.000 euroko ekarpena egingo diete deialdian aukeratutako 3 proiekturi.  Proposamenak aurkezteko epea azaroaren 7tik 2020ko urtarrilaren 7ra bitartean egongo da zabalik. Batera deialdiak Laboral Kutxa eta Vital fundazioaren babesa izango du; egiten duten ekarpenari esker, edizio honetan egitasmoak garatzeko aurrekontua bikoiztu egin da (guztira, 6.000 euro).