Arrazismoa auzotik at

Erabiltzailearen aurpegia Koldo Alzola 2014-01-30 09:34   Iritzia

Koldo Alzola 

2013 urtea amaitzeaz batera zenbait eraso arrazista pairatu genituen Gasteizko Alde Zaharrean. Batean, ezezagun batzuek auzoko emakume musulmanen aurkako leloak zeramatzaten esku orriak zabaldu zituzten kolektibo hori bildu ohi den hainbat tokitan. Gustu txarreko irain arrazista eta matxistek ez zuten luzeegi iraun, ikusi zituen auzokideren batek berehala garbitu eta abisua eman baitzien Udaleko garbiketa zerbitzuei.

Herri Harresian zulorik ez

Erabiltzailearen aurpegia Unai Villalba 2014-01-20 09:36   Iritzia

Nik duda barik nire eskuak jarriko ditut herri eta harresi gisa datorren larunbateko giza katean. Aitortu behar dut ordea harresi hitza ez dudala horrenbeste gustuko. Akaso Sahara, Palestina edo Ceutako harresi genozidak datozkidalako burura, edo agian Harresian Zulo izeneko musika taldea sortu genuelako zirrikitu arteko argi izpiei eta erritmo interkulturalei kabida emateko. Baina, gaur gaurkoz, eskubide zibil eta askatasun politikoen aldeko lanak eta pertsona militante konprometitu askok botere polizial-judizial errepresiboen aurrean babesa behar dute, eta babes behar horretatik dator herria eta harresiaren ideia. Beraz hitz konkretu baten erabilera baino, ideia, keinua eta ekimena dira balio dutenak momentu honetan.

Eskerrik asko Velasco

Erabiltzailearen aurpegia Manex Agirre 2014-01-20 09:06   Iritzia

Manex Agirre

Aurreko astea eta asteburua (urtarrilaren 13tik 17rakoa) era ezberdinetan gogoratuko du hainbat jendek: kazetariek, pasioz; herritar zenbaitek, mendi errusiar batean ibili izan balira legez; politikariek, beren fundamentuaren arabera, urduri edo lasai. Izan du ederretik zerbait: “gertatzen ari da” sindromeak jota mundu guztia, aurpegierak ikusita bakarrik zertan pentsatzen ari ziren asmatu zenezakeen lagunak, eta abar.

Hosto-poz dantza!

Erabiltzailearen aurpegia David Mangana 2013-12-27 10:06   Iritzia

David Mangana

Gehien gustatzen zaizkidan liburuak objektiboak dira. Bete-betean izaeraren harira joaten direnak. Protagonisten bizitza mugimendu eta ekintzen bidez marrazten dutenak. Ikusi al duzue? 'Marraztu' aditza erabaki dut 'deskribatu' hitzaren ordez. Hori da kontua. Hor dago koska. Liburu objektiboak gustatzen zaizkit eta, aitzitik, metafora aldera joaten da behin eta berriro nire idazkera, nahiz eta zuzentzen saiatu.

Adur txarreko txorien mendekua

Erabiltzailearen aurpegia Koldo Alzola 2013-12-23 11:28   Iritzia

Koldo Alzola

 

Egin Ayllu Alde Zaharreko auzolagun taldeak pairatu berri duen zigor neurrigabearen albistea eman du bere webgunean (lagenterula.wordpress.com). Milaka euroko (4000 euro inguruko kopurua aurreikusten dute) kalte ordainari egin behar diote aurre hiriko ostalaritza enpresari talde baten azpijokoak argitaratu eta salatzeagatik.

Ikuskizun bat da, eta ezin du izan

Erabiltzailearen aurpegia Manex Agirre 2013-12-17 10:59   Iritzia

Manex Agirre

 

Abenduaren 16rako hitzartu genuen artikulu hau, baina, onartuko dit HIRINETeko audientziak aitzakia, elegante gelditzen baita: hitzik gabe, ezin idatzi, ezin tekla-joka hasi BEC-ekoaren hurrengo egunean, oraindik emozioen digestioa egin gabe (digestioa, alferkeriaren bigarren geltoki hori).

Azkenengoz ikusia gaur 10.30(e)tan

Erabiltzailearen aurpegia Haizea Galarraga 2013-11-28 10:08   Iritzia

Haizea Galarraga

Irudia: Jon Gil


Teknologia berrien aroan murgildurik gaudela, harrotasun osoz erakusten dizkiogu munduari gure lorpenak: egongelan juxtu xamar sar daitekeen telebista neurrigabekoa, punta-puntako ordenagailua, sakelako telefonoa (sakelan jada kabitzen ez dena)…

Gasteiz markaz lotsatuta

Erabiltzailearen aurpegia Koldo Alzola 2013-11-18 09:13   Iritzia Koldo Alzola 

Iragan Irailean Mexikon zehar bidaian nenbilela Juchitan herrira iritsi nintzen. Tehuantepeceko Istmoa deritzoten eskualdean dago garai batean kokagune koloniala izandakoa, Ozeano Pazifikoa eta Atlantikoa gertuen dauden puntuan. Kale nagusian nenbilela manifestazio baten harrabotsa sumatu nuen eta kristauak mezetara nola euskaldunok manifetara hala erakartzen gaituen senak bultzatuta jende artera sartu nintzen kuxkuxeatzera.

Tartalariak Tartaloren lagunak ote?

Erabiltzailearen aurpegia Unai Villalba 2013-11-13 17:01   Iritzia Tartalariak deiturikoak, Tartaloren lagunak ote? Bera bezain maltzurrak ote? Horregatik izango al dira epaituak? Ez ba, haiek Barcina entartatu zuten AHTren aurka protesta egiteko. Eta ekintza Frantzian izan bazen ere, eta berton paketan utzi bazituzten ere, Estatu Espainoleko “Justizia” bestelakoa omen da, “serioagoa” agintarien aurkako ekintzak epaitzerako orduan, frankismoaren izpiritu eta mitologia bizirik mantentzen duen Madrilgo Entzutegi Nazional horretan oinarrituta.

Baita zu ere

Erabiltzailearen aurpegia David Mangana 2013-11-04 09:44   Iritzia

David Mangana

'Aita, atia', esaten nionean, berak ez zuen inoiz erantzuten. Atea itxita, etorkizunik gabeko iluntasunean geratzen zen logela. Aitaren arnasa bestaldean. Gaueroko beldurra. Eguneroko ixila...

Jaio nintzenean, jada haserre zeuden. Hasieran ez nintzen konturatu, burbuila baten menpe. Berehala ikasi nuen burbuilak gardenak direla.

Elefante bat aretoan

Erabiltzailearen aurpegia Koldo Alzola 2013-10-23 16:03   Iritzia

Koldo Alzola

Elefante bat dago gelan. Nabarmenegia da ez ohartzeko. Mundu guztiak ikusi du eta, hala ere, ez ikusiarena egiten du. Handiegia, kirastuegia, nazkagarriegia da ez konturatzeko; baina ez du inporta, gelakoek, pakidermoari ez axola, ezer gertatuko ez balitz bezala jarraitu dute, eguraldiaz hitz egiten. Horixe da normalizazioa: guztiz ezohikoa den egoera aparteko batean ezaxolarena egitea, normaltzat hartzea normala ez dena. Bart jandako onddoen eragina izango ote da? Neu izango ote naiz animalitzarra ikusi duen bakarra? Ez, aitor iezadazue, denok ikusi dugu ditxosozko elefantea.

Ania

Erabiltzailearen aurpegia Manex Agirre 2013-10-16 11:06   Iritzia

Manex Agirre

Hiztegiak oro har, edo hiztegi batzuk behintzat, arma arriskutsuak direla ohartuta, kontu handiz, begiratu dut RAErenean azkenaldian bueltaka dabilkidan “Mortuorio”. Eta bai, badu adiera “arabar” bat.

Please make a mistake. Erradikalagoa izan.

Erabiltzailearen aurpegia Unai Villalba 2013-10-14 09:36   Iritzia

Unai Villalba


Badira ia lau urte ez dudala telebistarik etxean, eta uste ondo joan zaidala, baina egia esan, orain bakarrik bizi naizela faltan botatzen hasia naiz. Noizbehinka teleberriren bat online ikusten dut ordenagailuan, baita lagunek pasatutako serie edo pelikularik. Hori bai, serieak ingelesez ikusten saiatzen naiz, entzumena praktikatuz, neure buruari denbora galtzen ez dudala pentsarazteko[1]. Bada, serie horietakoren kapitulu baten ildo nagusia hauxe zen: batzuetan akatsak egin behar ditugula bizitzan, agian inkluso aldez aurretik akats izango direla antzemanda ere, finean akatsa zirela onartzeko, eta behin onartuta, ondoren aurrera egin ahal izateko.

Edertasuna salgai

Erabiltzailearen aurpegia Haizea Galarraga 2013-10-03 12:48   Iritzia Edertasuna-salgaiHaizea Galarraga

Irudia: Jon Gil

Michelangeloren David ikusgarria oroitzen al duzu? Ez da ba, gaur egun, beste munduko ezer. Itxura fisikoaz ari naiz, eztabaidaezina baita autorearen zizelkatzeko trebezia. Azalaren kanpokoak barnean dagoenak baino garrantzi handiagoa hartu duen garai honetan, gorputzaren gurtza gero eta agerikoagoa da. Kirola egitea aukera ezagunetarikoa da ispiluan argalago, ederrago eta erakargarriago ikusteko geure burua.

Barruan daramazun txakurrari

Erabiltzailearen aurpegia Koldo Alzola 2013-09-30 09:10   Iritzia

bizikleta_alzolaKoldo Alzola

Iragan astean oporraldi luze batetik itzuli nintzen Gasteizera. Kalera bizikletaz ateratakoan segituan ohartu nintzen zerbait arraroa gertatua zela hiritar askoren aldartean. Espaloi zabal batean nindoan bi gurpilen gainean, 20 metrotik gorako zabalera duen espaloi batean (Europa jauregiaren parean zehatzago); eta nigandik bost bat metrotara zebilen oinezko bat, erretxinduta, builaka hasi zitzaidan, bizikletaren ordenantza berria argudiatuz, espaloi gainean debekatuta zegoela txirringaz ibiltzea.